Lafaek News—Relasionadu selebrasaun loron mundial ba ema ho defisénsia, Assosiasaun Defisiénsia Timor Leste (ADTL) konsidera governu liu-liu Ministériu Solidaridade Sosiál no Inkluzaun (MSSI) komitmentu ba inkluzaun difisiénsia ne’e ko’alia de’it la hatudu asaun.
“Ami la menta tebes-tebes ho la presensa na’in sira nia ba atividade ohin loron nian, ami konsidera seriedade nain ulun sira nian ba inkluzaun difisiénsia ne’e menus tebes-tebes, komvite ba hotu Nai ulun sira maibé la informa prezensa iha ne’e, liu-liu Ministériu Solidaridade Sosiál no Inkluzaun (MSSI), deklara Diretór Ezekutivu Asosiasaun Difisiénsia Timor Leste ( ADTL) Sezário da Silva ba Lafaek News iha Palásiu Prezidensiál iha selebrasaun loron Mundiál ba ema ho difisiénsia Sabadu ( 03/21/2022).
Jestor ADTL ne’e katak, loloos ne’e momentu ida ohin ne’e importante tebe-tebes atu hamutuk ho difisiénsia hodi fahe mensájen ruma ba ema ho difisiénsia ho situasaun ida la presensa ne’e hanoin ladi’ak.
“Ekipa antes ne’e fo ona karta ba liliu MSSI, konfirmadu hodi partisipa iha atividade refere, maibé too realidade realiza atividade la marka prezensa, ida ne’e mak ami la satisfas no observa katak komitmentu ba inkluzaun difisiénsia ne’e ko’alia de’it la hatudu asaun”.
Iha fatin hanesan difisiénsia fíziku, Maria Borges Araújo, sente triste tebes, tanba MSSI rasik la partisipa iha loron munidial ema ho defisiensia ne’e.
“Ami hakarak rona liafuan murak husi sira, karik sira halo diskriminasaun mai ami mak la partisipa iha eventu ida ohin ne’e, espera tinan oin bele partisipa iha eventu ida hanesan ne’e tanba loron ida ne’e espesiál tebes ba ami”. Dehan Difisiénsia Fizíku Maria.
Iha fatin hanesan mós Difisiénsia Fiziku Martiho Freitas, sente lamentavelno triste ho hahalok MSSI nian la partisipa iha eventu refere, maske nain ba eventu ne’e rasik mak MSSI.
“Ida ne’e ami ko’alia luta ba diskriminasaun ema hotu iha oin tanba saida mak ema atu apoiu ami ne’e iha fali kotu ida ne’e ami senti katak instituisaun balun dei halo diskriminasaun tanba karta fó ona ba sira maibé sira la marka prezensa iha loron ida ne’e”.
Entretantu iha okaziaun ne’e representante difisiénsia Timor Leste no Diretór ADTL parte husu governu liu-liu MSSI tau matan ba loron Mundiál ba ema ho difisiénsia presiza tebes governu no estadu nia prezensa momentu ida ne’e, labele tau difisiénsia iha kotuk, MSSI importante liu hatudu asaun, la’ós ko’alia de’it iha momentu politika, nivel as hanoin situasaun ida ne’ebé halibur ema ho difisiénsia ne’e di’ak liu presensa hodi hatudu asaun hamutuk ho ema difisiénsia ne’e importante loos.
Loron Mundiál ba ema ho difisiénsia ne’e parte dader marsa husi Jardim 5 de maio too Palasíu Presidensiál hodi kontinua atividade refere to’o remata, partisipa husi Diretór ADTL rasik, no parseriu sira no sidadaun sira hotu.
Atividade ne’e rasik apoiu husi governu liuhusi Ministériu Solidaridade Sosiál no Inkluzaun ( MSSI) apoiu mos husi governu Australia PHD, Oxfam, Plan internasionál, no inklui Timor Telekom ba atividade hotu-hotu, total orsamentu 20 mill atividade selebrasaun ne’e.
Jornalista : Rita Moniz
Editór : Agapito de Deus
