Lafaek News-Centru Nasional Chega, IP ne’ebe hamutuk ho Arte hodi atinji sira nia talentu Liu husi pintura Memoria Festival Kultural Rezisténsia Popular hodi hanoin hikas ba memoria atu fanu nafatin joven sira iha rai ne’e.
Diretor ezekutivu, Hugo Maria Fernandes, relata CNC haksolok tebes hodi servisu hamutuk ho Tertil no fundasaun oriente hodi fo espasu no grupo arte sira ne’ebe iha inisiativa sai mata dalan ba maluk joven sira seluk ne’ebe iha disponibilidade atu sai pintura no hodi kontinua apoiu kultural Timor Leste.
“Ohin kalan CNC haksolok tebes servisu hamutuk ho Tertil ho fundasaun oriente ne’ebe mak fornese espasu ida ne’e ho mos grupo Arte sira ne’ebe mak ohin temi barak los iha ne’e Hau la konsege temi Ida por ida, hau hanoin primeiru lugar hau agradese ba ita bo’ot sira nia disponibilidade no ita bo’ot sira nia afirmasaun hodi apoiu nafatin ita nia kultura” Diretor ezekutivu Chega, Hugo Maria Fernandes, iha diskursu fatin fundasaun oriente, (sabadu, 03/12/2022)
Nia dehan, CNC hala’o peskiza iha 2018, oinsá Timor oan sira atu uja arte nia kultura ba afirmasaun resistensia, peskiza ba musika ne’ebe kompozitor Timor oan halo nu’udar aktu protestu Ida ba okupasaun, no musika gravasaun iha tempu okupasaun Indonézia nian.
“Iha 2018 ita hahu halo peskiza konaba oinsa maka ita nia Timor oan sira uja Arte nia kultura nu’udar afirmasaun ba Resistensia, ita halo peskiza Konaba musika ne’ebe mak Timor oan kompozitor Timor oan sira halo nudar aktu protestu ida ba okupasaun, musika oin oin ne’ebé sira kanta laos sira kanta subar subar, maibé kanta halo gravasaun iha tempu Indonesia nia okupasaun”
Entretantu reprezentante pintura, Anselmo Abril Gomes, komenta objetivu Festival Kultura Resistensia Popular hodi valoriza ba arte sira, iha nasaun Timor Leste ida ne’e mos hodi rekonese arte sira Nnia talentu no obra ne’ebe liu husi pintura ba kultura no rezisténsia nian.
“Objetivu husi festival kultural ida ne’e bele valoriza ami artista sira, no ida Ne’e ami hakarak ba oin kontinua hanesan ne’e nafatin, atu nune’e ba oin ami bele senti katak ami mos iha nasaun ida ne’e bele rekonese ami nia talentu, konta mos ho ami,” nia hakotu.
Jornalista : Aniceto Dias
Editór : Agapito de Deus
