Moras Covid-19 sai polemika bo’ot iha Timor Leste, la’os tanba Governu la tau matan hodi kontrola Moras Covid-19, la’os tanba Covid-19 oho ona ema barak iha Timor Leste, la’os mós moras Covid-19 da’et ona ba ema tomak iha Timor Leste, maibé Virus Covid-19 sai polémika bo’ot iha Timor Leste tanba, ema balu la fiar ezisténsia moras virus Covid -19 iha Timor Leste, ema barak ko’alia iha Sosiedade nia leet no média sosiál ho konten ne’ebé mak dehan katak governu uza moras Covid-19 hodi asegura nia pozisaun.
Ema balun dehan tanba saa moras Covid-19 da’et iha Nasaun bo’ot sira ho lalais tebes, maibé Covid-19 iha Timor Leste lae. Pesoalmente halo análize lójika hanesan ne’e aktiviadade Aviaun tama no semo hosi Nasaun bo’ot sira barak tebes, kuaze ema rihun ba rihun maka tama no sai hosi Nasan bo’ott sira. Nasaun bo’ot sira iha Aviaun Komersial bo’ot no barak tebes no semo direta hosi China, ba direta iha Nasaun bo’ot sira seluk.
Populasaun iha Nasaun bo’ot sira barak tebes, aktividade Populasaun Nasaun bo’ot sira maioria sempre besik malu ka sena malu, ho buat sira ne’e hafasil Covid-19 da’et ho lalais iha sira nia Nasaun.
Oinsa ho Timor Leste, normalmente aktividade Aviaun tama no sai hosi Timor Leste menus tebes kuaze loron ida dala tolu ou ha’at da’et, iha situasaun normal nia laran, laiha aviaun komersial semo direta hosi China mai Timor-Leste , ka hosi Timor Leste ba China. Timor Leste so iha Aviaun Rute komersial hosi Timor-Leste ba Indonézia, Australia no Singapura, Populasaun iha Timor-Leste, la barak hanesan ema iha nasaun bo’ot sira, maioria ema Timor-Leste nia aktividade mak halo toos, natar no aktividade seluk ne’ebé mak la sena malu, ka belit malu demais ho kuantidade ne’ebé barak hanesan ema iha Nasaun bo’ot sira, tan ne’e Covid-19 da’et iha Timor Leste tarde uitoan.
Ita rona iha Nasaun liur Covid-19 sempre oho ema barak ho lalais, maibé iha Timor Leste Pasiente Covid-19 sempre rekoperadu hela de’itt, atu responde ida ne’e, ita presija loke hare lista pasiente Covid-19 iha Nasaun seluk nian, mai ita buka tuir, iha ka lae Nasaun ne’ebé iha nia kazu Covid-19, hanesan ho Timor-Leste katak seidauk iha pasiente ne’ebé mate, lista hosi data 17/03/2021, bele hare rasik ou imi bele hare direta lista hosi imi nia telemovel hodi apar ho Timor Leste nia kazu.
Agora ita hatene ona katak la’os Timor Leste de’it mak iha pasiente Covid-19 ne’ebé mate, maibé hanesan mós Nasaun sira ne’ebé ho kondisaun hanesan ho Timor-Leste, maibé tanba saa ita ladun hatene informasaun konaba Nasaun sira ne’e, tanba ita lakohi buka hatene informasaun konaba Nasaun sira ne’e, tanba ita gosta rona tuir ema bosokten sira mai bosok ita, favór para ona fahe tutan informasaun sira ne’ebé la kredivél iha média sosiál, koko lee no buka tuir foin halo análize ho lójika foin bele dehan katak informasaun ne’e bele loos no la loos. Agora desizaun iha ita nia liman hakarak fiar Governu hodi hamutuk ho Mundu luta kontra Covid-19 iha Mundo ka, fiar ema sira ne’ebé dehan Covid-19 ne’e polítika de’it, no ikus ita bele sai hanesan Italia, India, Ikuadór no Nasaun-nasaun sira seluk.
Sei O hadomi Timor hakmatek ita hotu kuidadu Timor.
Viva Repúblika Demokrátika Timor-Leste.
Pesrspektiva Estudante UNTL, Fakuldade Ciensias Sosiais, Departamentu Relasaun Internasional. Análize lójika hosi Zecafriado Afulit Coa.
