Lafaek News—Membru Oitavu Governu Konstitusional Daualu, atual Sekretariu Estadu Arte no Kultura (SEAK), Teófilo Caldas nia kaben tara an kedas iha nia rezidénsia (kuarta laran), iha aldeia 20 de setembru suku Bebonuk iha tuku 11 kalan.
Tuir informasaun ne’ebé lafaek news rekoilla iha terrenu katak, matebian taran tanba deskonfia nia kaben rasik selinkuh (amante) ho feto seluk, parte autoridade Forensik hamutuk ho dotor espesialista balu foti hela dadus iha fatin akontesimentu hodi submete ba autopsia atu bele hatene motivu husi tara an.
Tuir xefe suku bebonuk Cerafin Macedo, afirma, nia rasik seidauk hatene motivu husi tara an ne’e, maibé nia rekoñese katak vítima ne’e nu’udar abitante ida hela iha suku Bebonuk aldeia 20 de setembru, no vítima rasik nu’udar kaben ba membru governu ida atual Sekretáriu Estadu Arte no Kultura (SEAK), Teófilo Caldas nia kaben rasik.
“sem, Sekretáriu Estadu Arte Kultura nia kaben mak tara an, ha’u mós iha hela fatin akontesimentu maibé forensik mak halo servisu hafoin ita bele hatene kronolójia,” haktuir Cerafin Macedo ba Lafaek News, domingu (16/05/2021).
Entretantu, xefe suku ne’e rasik seidauk hatene vítima taran iha tuku hira, maibé nia rona de’it informasaun ema taran iha oras kalan, iha dadeer foin lalais ne’e hafoin simu informasaun katak membru governu ida nia kaben mak tara an.
“Senhora ne’e tara an mais ou menus 11 ka 12 oras kalan hanesan ne’e, maibé só Forénsik sira mak bele hatene matebian tara an iha tuku hira,” katak xefe suku Bebonuk ne’e Ba lafaek News.
Observasaun Jornalista lafaek news, Sabina Sanca, Observa parte PNTL dada ona polísia line ba karreta estadu ne’ebé tula membru governu ne’e ho xapa matrikula 00-043 G no inklui vítima nia rezidénsia.
Entretantu, parte família ho Polísia Nasionál Timor Leste (PNTL), seidauk fó deklarasaun ba akontesimentu refere, tanba too oras ne’e polísia seidauk lori mate isin ba autopsia.
Jornalista : Sabina Sanca
Editor : Agapito de Deus
