Lafaek News—Bazeia iha kkomunikadu de Imprensa Reuniaun Konsellu Ministrus iha loron 12 Maiu, 2021, kona-ba hanaruk konfinamentu domisiliáriu jerál iha Munisípiu Díli, ba Ioron sanulu resin hat (14), dioseze Dili autoriza suspende selebrasaun misa ba públiku.
“Ho ida ne’e, dala ida tan, Ha’u comunica ba Párocos, Relijiosus, Relijiosas no Sarani sira hotu katak suspende selebrasaun missa ba públiku no Sakramentu sira iha Vigararia Díli nian too loron ne’ebé konfinamentu obrigatório termina: 27 de maio de 2021, horas 23:59,” haktuir Dom Virgílio do Carmo da Silv , SDB Arsebispo de Díli liu husi komunikadu imprensa sábadu semana ne’e.
Komunikadu imprensa ne’e sita pontus tolu importante hanesan, Suspende selebraaun Missa ba públiku no sakramentu sira iha Vigararia de Díli too loron ne’ebé konfinamentu obrigatório termina: iha loron 27 Maiu 2021, oras 23:59.
Selebrasaun missa no sakramentu sira ba públiku l’ao hanesan baibain iha vigararia sira seluk hanesan Aileu, Ainaru, Ermera, Oe-kusse, no Same.
Serimónia fúnebre hala’o tuir orientaaun husi rezolusaun governu nian (Cfr. Alinea 20 do Res. V. 45/2021), durante fulan rozáriu (mês de maio): iha Vigararia de Díli, reza Tersu hala’o de’it iha família ida-idak no la iha Prosissaun sira, ba vigararia sira seluk hala’o tuir tradiaun ne’ebé durante ne’e iha.
“Fo hanoin ba ita hotu atu kumpre nafatin medida preventiva: uza máskara, fase liman ho sabaun hand sanitizer no distansiamentu sosial ho finalidade atu garante saúde di’ak ba ita hotu, ha’u hatoo obrigado wain ba kompreensaun no kolaboraaun, Ita Inan Lalehan, Maria Virjem, sei hamutuk ho ita no hamahan ita hotu, ha’u nia bensaun ba imi hotu,” haktuir Arsebispu iha komunikadu imprensa ne’e. (*)
