Lafaek News—Diretor Downstream Autoridade Nasional de Petrolium Minerais, Nelson de Jesus, informa semana ida ne’e nia rohan gazolina toneladas 2700 sei too iha Timor Leste, públiku labele pániku
Asuntu ne’e Diretor de Downstream Nelson de Jesus, hatoo liu husi konferénsia imprensa, kuarta (07/06/2023), katak husu públiku atu labele pániku ho kombustivel ne’ebe da-daun iha nasaun Timor Leste.
“Iha duni problema ituan kona-ba Gazolina komesa husi loron segunda feira mai too ohin loron, tanba menus de’it gazolina iha Armazenamentu infra-estrutura fatin rua hanesan pertamina internasional pantai kelapa no mos esperansaTimor oan iha Hera, Ami sei servisu hamutuk ho fornesedor fatin rua hanesan pertamina internasionl ho pertamina esperana Timor-oan,bele jere gazolina to iha loron Domingu Tamaba domingu ita nia RO esperansa timoroan nia kargo tama ona iha nia kais Hera iha loron Domingu loraik ,” katak Nelson de Jesus.
Nia mos refirma iha loron segunda feira ba oin transportes públiku hotu sei lao normal hikas, tanba agora da-daun iha armazenamentu gazolina nian iha de’it toneladas 330, iha armazenamentu rua hanesan Pertamina internasional falta de’it toneladas 125, no pertaamina esperansa timoroan falta deit ho 205 toneladas, maibé pertamina sira sei hasai de’it 25 toneladas kada loron.
“Pertamina so hasai de’it 25 toneladas husi ohin too domingu semana ne’e kada loron no mos posto abastamentu kombustivel balun sei la hetan posto abastamentu balu iha Dili no mos hanesan ETO balun iha Dili balun iha munisípiu sira ne’ebe mak iha hela, sei la atende para distribuisaun ne’e too ba ema hotu,” Nelson argumenta.
Maibé nia dehan, iha loron Domingu semana ne’e kargu sei to iha Timor Leste ho Gazolina 2700 Toneladas no mos iha loron Kuarta semana ne’e pertamina nia kargo ou Ró sei ataraka iha pertamina Jety, maibé da-daun akontese tanba Fornesedor sira nia Ró labele tama iha terminal, tanba Ró iha fatin seluk mos tama hodi nu’une fornsedor Timor nian Rá atraza hodi tama ba foti mina iha terminal.
“Atu fo hatene fali katak postu abastamentu kombustivel 21 iha Dili laran 2 mak taka ou la fa’an no postu abastamentu 12 mak la fa’an gazolina no postu abastamentu 9 mak fa’an Gazolina maibé iha loron aban sei hetan oportunidade husi pertamina be’ele mos hetan husi ETO, toneladas 25 ne’ebe hasai kada loron ne’e depende mos ba pertamina sira ne’ebe hasai husi sira nia tanke kada loron.
Nia dehan tan, da-daun ne’e iha pertamina sei falta ho 125 toneladas hodi nu’une kada loron pertamina sira sei fa’an ho 25 toledas ba de’it loron 5 hodi hein ETO nia kargo ne’ebe sei tama iha loron domingu iha semana ne’e.
Diretor ne’e mos salienta futuru tenki iha rezerva estratéjika ba nasaun ne’e karik situasaun ruma hodi bele atende, tanba nasaun barak mak iha, maibé la’os hotu-hotu, tenta atu regula liu husi regulamentu armazenaentu nian, maibé nia kondisaun la permite atu ema halo reserva, tanba tanki ne’ebe mak ki’ik liu, no mos husu ba governo atu harii rasik armazenamentu hodi halo rezerva enerjia ba nasaun ne’e .
Jornalista : Felix Fernandes
Editor : Agapito de Deus