Lafaek News—Sosiedade Sivil tomak ne’ebé hamahan iha Forum Organizaun Noun-Governamentál Timor Leste (FONGTIL) bolu atensaun ba Tribunal Kámara Kontas atu halo auditóriu ba desizaun membru parlamentu nasional no husu Komusaun Anti Korupsau atu halo investigasaun tanba desizaun lelaun kareta ne’e nakonu ho konflitu interese no korupsaun legal.
“FONGTIL Konsidera desizaun parlamentu nakonu ho konflitus intereses abuzu podér, koluzaun, korupsau no fo poténsia boot ba estadu lakon valor, diak liu kareta estadu ne’e entrega ba diresaun patrimóniu estadu mak deside veikulus hirak ne’e,” FONGTIL rekomenda.
Pozisaun FONGTIL Kontra Kareta Estadu ne’ebé deputadus 65 Lelaun la tuir koridór legal nian, tan ne’e liu hosi karta ofisial ne’ebé ONG forum sirkula ba media sira ho kontéudu petisaun rezeita desijaun parlamentu nasional kona-ba lelaun kareta estadu ne’ebe konsidera patrimóniu estadu nian.
Iha Karta petisaun ne’e Diretor Ezekutivu FONGTIL Valentim da Costa Pinto, katak FONGTIL identifika lakunas legal iha prosesu lelaun kareta iha parlamentu nasional la tuir Lei númeru 15/2008.
“Ami hanoin katak lelaun ba aset parlamentu Ida tenke halo tuir regras ne,ebe aplika tuir dekretu lei 32/2011 konaba jestaun no alineasaun ba patrimonio novel sira estadu nian ” Nune Mak FONGTIL kontra total desijaun parlamentu nian ne’ebé halo lelaun ba kareta estadu Fogntil kestiona tanba relasaun interese povu no nasaun ida ne’e nian.” Katak Valentim da Costa Pinto.
Iha Parte Seluk Provedoria Diretus Humanus no Justisa (PDHJ), Virgilio da Silva Guterres, reforsa tuir lei provedoria direitus humanus iha dalan atu halo supervizaun ba publiku hotu inklui parlamentu nasional desijaun parlamentu nia desizaun ne’e desizaun administrativu fo dalan ba PDHJ atu halo komunikasaun polítiku ho parlamentu nasional atu haree no sei iha posibilidade atu hapara desizaun sira ne’ebé publikamentu la fo benefísiu ba públiku tanba povu barak sei moris iha difisil.
Jornalista : Acacio Pinto
Editor : Agapito de Deus