Lafaek News-Baucau-iha loron tersa 18 fulan Jullu 2023, horas 21.00 otl, patrulha Eskuadra Baucau Vila akompanha VPU Eskuadra Baucau ba atende kazu Ema deskonesido soe Bebe Feto ida ho kondisaun moris hela iha ailaran iha area Waituni, Bairo Watulete, Aldeia Lutumutu, Suco Trilolo Munisipiu Baucau.
Tuir informasaun ne’ebé Polísia Investigasaun VPU Eskuadra Baucau Vila Ajente Xefe, Diana da Costa rekoillha husi labarik ho naran Andri Marcel Belo Casametan idade 12 husi Aldeia Lutumutu suku Trilolo Baucau, haktuir kronolojika katak iha tuku 5.30 otl, loraik labarik ne’e ho nia kolega sira tiru hela manu lin iha ai-laran maka sira rona bebe tanis entaun sira tauk hodi ba fo hatene fali senora ida naran Angelina Soares ne’ebé hein hela bibi besik iha fatin ne’ebé soe bebe ba hodi nunee senhora Angelina ba haree kedan bebe tanis duni no sadere hela iha fatuk ho kondisaun moris no isin tanan.
Iha momentu ne’e kedan Angelina Soares kous kedan kosok-oan ne’e hodi lori ba nia uma no iha kalan ne’e kedan Polísia Eskuadra Baucau hamutuk ho Angelina lori kedan Bebe ne’e ba Hospital HOREX Baucau hodi hetan tratamentu.
Nune’e bebe Baixa hela iha sala Neunatologio hospital Regional Baucau no Polísia nafatin buka tuir autor ne’ebé soe bebe iresponsabilidade hodi submete ba prosesu Investigasaun.
Repotagen pontu fokal Lensa Baucau Ajente Xefe Pol. Joana Gusmao Flores.