Lafaek News—Iha tempu badak Sekretaria Estadu Ensinu Sekundária no Eskola Téknika Vokasional sei vizita eskola téknika vokasional sira iha munisípiu 12 inklui RAEOA.
Asuntu ne’e hatoo husi Sekretaria Estadu Ensinu Sekundária no Eskoka Tékniku Vokasional, Domingos Lemo Lopez hafoin remata reuniaun ho Ministra Edukasaun, Dulce Soares iha Ministériu edukasaun Villa-Verde Dili, kinta semana ne’e.
“Ohin ha’u ho sua exelénsia ministra ami konvoka enkontru ida ho diresaun infraestrutura nian prosedimentu no mós Finansas hodi haree fila–fali kona–ba projetu hirak ne’ebé durante governu anterior nian klaru katak sira nia aprezentasaun informasaun ne’ebé ohin sira aprezenta projetu balu la’o ho di’ak balu hein prosesu konstrusaun la’o hela,” katak Domingos Lemos Lopez.
Governante ne’e hateten, objetivu husi reuniaun ho Diresaun infraestrutura tuir prosedimentu no Finansas nian hodi haree liu-liu kona-ba projetu sira ne’ebé durante guvernu anterior la konsege finaliza no presiza kontinuasaun husi governasaun foun.
Tanba ne’e, nia dehan iha tempu badak sei halo enkontru ho kompania sira hodi haree fila-fali ba projetu sira ne’ebé durante konstroi hela, maibé ninia prosesu laiha mudansa.
Maske projetu komunitariu ne’e balu agora dadaun la’o hela no balu tama ona ba faze inaugurasaun no projetu sanulu resin mak iha prosesu, tanba haree mos ba klima no mos estrada la fo espasu ba grupu komunitáriu sira mobiliza material sira ba iha terenu hodi kontinua projetu.
Tan ne’e, iha enkontru Ministra Edukasaun ho Sekretaria Estadu Ensinu Sekundario no Téknika Vokasional hodi identifika problema saida mak durante ne’e sai impedimentu ba projetu hirak ne’e labele lao ho diak atu bele kontinua too finalidade.
Entretantu total projetu ne’ebe hahu husi tinan 2021-2022 atus ida resin mak inagura ona sei falta projetu sanulu resin Rua (12) seidauk finaliza, tipu husi projetu hirak ne’e ba eskola ensino báziku no ensino sekundaria jerál sira inklui mos eskola téknika vosasional iha Timor laran tomak, kabe ba programa IX governo ne’ebé foin aprova, tanba ne’e iha tempu badak hodi ba vizita eskola téknika vokasionál Sira.
Jornalista : Felix Fernandes
Editor : Agapito de Deus