KOVALIMA (Lafaek News)–Ho situasaun Pandemia Covid-19 no implementasaun Estadu Emerjénsia ba dasiak nian, negosiante lokal iha Baraka Suai Loro iha ne’ebé uluk nakonu ho vizitantes oras ne’e menus no sai mamuk, tanba vizitante tenke kumpre regulamentu distansiamntu fiziku.
Tanba ne’e Vendedora Amelia Barros informa ba Lafaek News antes Timor Leste Infrenta Situasaun Covid-19, Vizitante barak mak ba vizita ami hodi sosa ami sasan iha Baraka Suai Loro, maibe depois de Situasaun Pandemia Covid-19, vizitante hahu menus ona no sai la iha tanba polisia sira sira hein kedas iha fatin refere.
“Uluk Covid seidauk tama ne’e, ami nia katupa ho ikan ne’ebé mak ami fa’an ema sosa di’ak tanba ema iha ita nia Munisípiu sira mos mai vizita hela de’it no dala ruma ema husi Munisípiu seluk mos mai vizita no ema servisu bot sira iha dili mos babain mai han iha ne’e.” Dehan Vendedora Amelia iha Baraka Suai Loro, Kinta (07/01/2021).
Vendedora Amelia mos dehan, antes situasaun Pandemia Covid-19 ne’e, kada loron nia hetan rendimentu to’o dolare been nulu (60) ba leten, maibé situasaun ho Covid-19 tun maka’as tebes.
“Uuk ne’e loron ida ami bele hetan rendementu bele to’o dolares neen nuluh (60) ba leten, menus liu mak kada loron hetan bele hetan osan dolares 30 resin, maibe depois de situasaun ne’e aihan hanesan ketupa no ikan ne’ebé ami faan ne’e ema la hola tanba iha ne’e laiha vizitante hanesan babain,” Tenik Amelia Barros ba Lafaek News.
Vendedora Amelia Barros Akresenta, durante implementasaun Estadu Emerjensia (EE) nia laran ai-han hanesan ikan no ketupa ne’ebé sira prepara atu faan iha baraka dala ruma prepara de’it ba dolares 5 nian, enkuandu ema la hola, maibé Amelia Barros dehan hanesan negosiante ho pasensia nia fa’an nafatin tanba ida ne’e mak nia atividades lor-oron nian.
“Iha Estadu Emerjénsia nia laran ne’e hahan ne’ebé mak ami tein hanesan katupa ho ikan ida dala ruma ema bele mai hola deit to’o Dollares Amerikanu 5, dala ruma mos loron ida tomak ema la hola husi dader to’o fali kalan,” Amelia Salienta.
Amelia dehan tan, hahan ne’ebé sira fa’an ema la hola, nia fó ba viziñu sira tanba nia la bele faan fali iha loron tuir mai (aban), no Amelia konsidera ai-han ne’ebé sira faan la folin ka ema la sosa ne’e hanesan sorti aat ne’ebé sira infrenta durante halo negosiu.
“Ami sente lakon los tanba hahan hirak ne’ebé mak ami fa’an estraga hotu karik iha hahan balu ne’e mak seidauk sin, ami fo ba viziñu sira karik sin ona entaun hakarak ka lakohi tenke soe ou fó animal sira, maibé ami nafatin pasensia hodi fa’an tanba ida n’ee mak ami nia servisu no hahan hirak nebe mak estraga ida ne’e mak susar ne’ebé ami hasoru iha lor-loron,” Hakotu Amelia
Jornalista : Jhana Cardosa (RCCT)
Editor : Chamot Nahac
