Lafaek News – Klinika Emanuel Iha Postu-Administrativu Lospalos, munisipiu Lautem taka tinan ida tanba la iha doutor no lisensa klinika mate, tanba ne’e komunidade husu atu loke fila fali hodi halo atendimentu ba Publiku
Komunidade Afliana Neka afirma katak, Presiza tebes ba klinika ne’e hodi loke fila fali, tanba klinika Imanuel nia atendimentu diak no ai moruk ne’ebé diak tebes tanba ne’e husu ba governu hodi tau matan klinika ne’e.
“ami presija tebes klínika ne’e loke fila fali tanba nia atendimentu di’ak no iha ai moruk ne’ebé di’ak , durante tinan ida nia laran taka tia, ami sente laran susar,no husu atu boot sira tau matan ” , dehan Afliana Neka ba jornalista foin lalais ne’e
Parte seluk Benedita da Costa Ximenes hosi lospalos vila, aldeia Puihoro, suku Fuiloro, afirma hakarak klinika ne’e loke fila fali ho lalais no holo atende ba komunidade sira tanba iha klinika Imanuel ne’e nia ai moruk diak tanba ne’e Governu presiza loke.
“Ha’u mai konsulta no simu aimoruk iha ne’e di’ak liu tanba ne’e persija tebes nai ulun sira tau matan ba klínika ne’e ” dehan Benedita da Costa Ximenes
Ai moruk ne’ebe abandona iha Klinika laran
Responsavel klinika Imanuel Amena da Costa , hateten katak klinika Imanuel problema besik tinan ida ona ho razaun doutor la iha no karta lisensa mate, maibe agora trata dokumentus lao hela, tanba tuir lei karta lisensa tenke moris no legal.
Klinika Imanuel uluk sei loke nia vijitante kada fulan kuaze besik atus haat no klinika ne’e iha funsionariu nain 8 ne’ebe mak ativu iha klinika ne’e ,hodi atende ba vizitante sira no iha fasilidade ne’ebe kompletu, ho ida ne’e karta lisensa renova ona maibe to’o agora seidauk iha rejultadu husi parte Ministeriu Saude.
