Lafaek News—Diretór sesante Servisu Nasional Intelejénsia (SNI) Koronél Domingos da Cámara, dúvida ho karta ezonerasaun husi primeiru Ministru ho razaun mandatu seidauk hotu.
Diretor sesante ne’e hateten, nia parte simu ona karta ezonerasaun ne’ebé haruka husi Primeiru Ministru, maibé nia senti duvidas tebes ho karta ezonersaun refere hakerek katak partidariza fali Servisu Nasionál inteljensia(SNI).
“Ba ha’u ne’e normál tanba saida nasaun ne’e Timor oan hotu hotu nian soke iha buat balun buat ida ne’ebé mak ha’u mos Duvidas pergunta bott ida mai ha’u iha hakerek iha ne’e dehan katak SNI Partidariza,” katak Domingos da Cámara.
Dommingos dehan, dúvidas tanba durante nia mandatu nunka servi ba partidu ida, maibé hanesan kualidade veteranos ida nia partidu mak nasaun Timor Leste, maske iha tinan 1975 Partidu FRETILIN mak lori povu FALINTIL mak kria FALINTIL, tanba Timor Leste hetan ona ukun rasik-an FALINTIL muda F-FDTL hodi halo de’it misaun Seguransa militar nian no farda ne’ebé uza ruin ho ran nia folin tanba ne’e tenki respeita servi ba estadu, tanba lei Servisu nasionál Intelejénsia (SNI) nian tutela ba iha Primeiru Ministru la’ós tutela ba partidu ou grupu balun
“Orientasaun ou lei SNI nian ne’ebé ko’alia dehan katak SNI tutela ba iha Primeiro Ministru la’ós tutela partidu grupu ou organizasaun lae maibé ba ha’u duvida ituan katak dehan fali Partidariza SNI ha’u dúvida ituan keta atusaun ruma mak sala karik,” nia argumenta.
Diretor sesante hetan Konfiansa husi husi oitavu governu konstituisionál hodi lidera SNI no servisu lubun mak nia halo no kontribui ba nasaun, maske iha lei mandatu tenki to tinan 4, maibé diretor ezonerante ne’e nia mandatu foin hala’o servisu Tinan 1 ho balun no simu karta ezonerasaun nia mandatu sei remata iha loron tersa 05/09/ 2023.
Jornalista : Felix Fernandes
Editór : Agapito de Deus
