Lafaek news – Kordenadór Jerál Movimentu Tasi Moos (MTM), Food Outreach, Gally Soares Araújo informa, komunidade Dili hamutuk ho Movimentu Tasi Moos (MTM) hahú mobiliza ai-han baziku ba estudante sira no vulnerável sira ne’ebé enfrenta krize alimentár iha kapitál Dili tanba afeta husi situasaun serka sanitaria no konfinamentu obrgatóriu.
Ekipa MTM ho kumunidade Dili tama sai kost apoiu aihan ba estudante hela kost: foto Ekipa MTM
“Horisehik 26/03/2021 atende urjente ba ema na’in 7 no ohin loron distribui no atinje ona estudante na’in 71 ne’ebé hela iha kost ka aluga uma husi munisípiu Viqueque ho Bobonaru inkluí inan faluk vulneravél ida ne’ebé hela iha bairro pité Dili “, Dehan Kordenadór MTM Gally ba lafaeknews Via mensajen Facebook, iha 27/03/2021 .
Gally esplika, kona-ba produtu neebé entrega ba estudante sira hela kost nee bazeia ba stock ne’ebé simu husi doadores sira tantú empreza no indivídu hodi hatutan netik is ba loron balu durante serka sanitaria
“MTM observa iha estudantes barak tebes mak presisa apoiu ho urjénsia bazeia ba ami nia contaktu iha terrenu tanba nee husu ba maun ho bin sira neebé iha kbiit uituan atu tulun nafatin ho sasan hanesan fos, mina, supermie, sabaun, rinso, no buat seluk tan ba sira neebé dadaun nee presiza hela “, nia relata
Kordenadór ne’e afirma, MTM la halo diferensa ba ema nia orijen, idade, etnia, no seluk tan, maibé sira nia tarjetu indivídu mak ba ema neebé presiza duni tulun ho urjénsia
” Ami nia tarjetu individu haree liu ba ema neebé presiza tanba nee Husu mos apoiu maximu husi Media atu apela ba ita nia governante sira tan krize alimentár ne’ebe agora ita hasoru barak moe atu haklaken sai” Kordenadór MTM Gally remta .
Jornalista : Orlando Magno
Asisten Editór : Egidio Nono
