Lafaek News-Estudante Universidade Nasionál Timor Lorosa’e (UNTL) lamenta ho operadór telekomunikasaun ne’ebé fornese rede internet nia volesidade ne’ebe ho kapasidade kiik ne’e difikulta tebes prosesu aprendizajem ho sistema online.
“Ami durante ne’e la tuir aula online, tanba kapasidade rede internet loading kleur los ne’e difikulta tebes ba ami atu tuir materia hirak ne’ebé dosente sira fó liuhusi sistema online,” kestiona Estudante Julio do Santos ba Lafaek News iha Iparira, suku parlamentu, postu administrativu Lautém, Munisípiu Lautém, Sabádu (27/03/2021).
Nia haktuir, tanba ami iha area rural, di’ak ida ami tenke buka rede internet kuaze la’o to’o kilometru rua ho balun hafoin asesu ba iha aula online.
Iha fatin hanesan Estudante Institute Of Business (IOB) fakuldade Ekonómia, departamentu kontabilidade, Zakarias Magno, mós lamenta ho rede internet ne’ebé ho velosidade kiik hodi fó impaktu ba estudante atu tuir aula sistema online.
“Ha’u durante ne’e nunka tuir aula online, tanba ami iha ne’e rede internet ladiak ita boot sira haree rasik ami iha area izoladu ne’e rede araska iha kapital Dili mós araska tiha ona, satan ami iha foho ne’e susar, tan ne’e ha’u deside la tuir aula ho sistema online,” Zakarias preokupa.
Tan ne’e, husi Operador telekomunikasaun tolu ne’ebé eziste iha Timor-Leste hanesan Timor Telecom, Telemor no Telkomsel presiza hasa’e kapasidade internet tanba iha hela situasaun serka Sanitária entaun estudante sira presiza duni internet diak hodi bele asesu ba aula online.
Jornalista : Anselmo Monteiro
Editór : Floriano Soares
