MUNISÍPIU · 19 Nov 2020 09:52 ·

Komunidade Atsabe-Hatolia Halerik Ba Estrada-Eletrisidade


Komunidade Atsabe-Hatolia Halerik Ba Estrada-Eletrisidade Perbesar

Ermera (Lafaek News)-Maski Timor-Leste (TL) ukun-an tinan naruk ona, maibé komunidade sira hosi Postu Administrativu Atsabe ho Hatolia,  Munisípiu Ermera kontinua halerik ba dezenvolvimentu estrada no liña eletrisidade.

Estrada liga Suku Urahou no Mau-obu iha postu administrativu Hatolia, Munisípiu Ermera ho kondisaun grave. Foto LN

‘’Ami-nia komunidade sira hasoru mak estrada liga hosi munisípiu to’o postu no suku, ita hotu hatene, ami komunidade Atsabe maiória moris ho fila-liman, maibé estrada mak iha tempu udan difikulta tebes ba ami,’’ informa Xefe Suku Atara, Postu Administrativu Atsabe, Munisípiu Ermera, Ancelmo Pereira, liuhosi sesaun husu no hatán hafoin Vizita Prezidente Repúblika (PR), Francisco Guterres ‘Lú-Olo’ iha salaun parókia Gleno, Kinta, (19/11/2020).

Nia afirma, komunidade Atsabe maiória moris ho vida negósiu, maibé estrada no eletrisidade sai difikuldade boot tebes tanba susar atu fasilita komunidade sira.

Nia afirma, postu Atsabe hamutuk suku-12, maibé iha suku balu mak to’o agora seidauk asesu ba eletrisidade, tanba ne’e husu ba ministériu relevante atu toma atensaun ba kestaun hirak ne’e.

Enkunatu Felisberto Soares reforsa liu tán katak, suku barak iha Ermera kompañia sira tau ona ai-riin eletrisidade no dada ona fiu-eletrisidade, maibé to’o agora eletrsidade seidauk lakan 

“Eletrisidade iha Ponilala, kompañia sira husik hela de’it ai-riin maibé laiha fiu, agora iha suku Legimea dada tiha ona fiu eletrsidade, maibé ahi lalakan,’’ nia informa.

Nune’e mós Xefe Suku Fatubesi Postu Hatolia, Armando de Carvalho, hatutan tan, Postu Hatolia hamutuk iha suku hitu (7) mak seidauk asesu ba liña eletrisidade.

Enkuantu nia mós husu ba ministériu relevante atu tau prepagu ba suku hirak ne’ebé asesu ona liña eletrisidade ne’e tenke monta ona prepagu atu nune’e bele hatama reseitas ba kofre estadu. 

‘’Ba suku sira ne’ebé tau ona liña eletrisidade ne’e bele tau ona prepagu para bele kontrola no hatama mós reseita ba estadu’’ nia fó hanoin.

Hatán ba preokupasaun ne’e, Ministru Obras Públiku (MOP), Salvador Pires, hatete investimentu ba estrada sira no eletrsidade importante tebes tanba liga direta ba komunidade sira nia moris, tanba ne’e governu tau ona iha planu atu bele implementa iha tinan-2021.

Jornalista  : Lino Aparicio

Editór         : Floriano Soares

1,668 Views
Artikel ini telah dibaca 60 kali

Baca Lainnya

 Cabral : Munisipíu Hotu Iha Ona Podér Admisaun Finansas  

15 July 2024 - 17:07

Estrada Suku Funar Nakfilak Ba Mota Hasusar Povu Kiik Ba Sosa Nesesidade Iha Laklubar

2 December 2022 - 17:07

Partisipantes 112 Partisipa Iha Feira 28 Novembru  

23 November 2022 - 21:38

Kondisaun Infraestrutura Kapela Uatulari Antigu Risku Selebra Misa Domingu

5 November 2022 - 23:06

Ai ba Futuru (PSAF) Selebra Espozisaun Movel Ai ba Futuru iha Vikeke

29 October 2022 - 00:41

Prezensa Projetu Ai ba Futuru Muda Agrikultór Vikeke Aprende Kuda Ai-Oan

29 October 2022 - 00:23

Trending di MUNISÍPIU