Lafaek News-IX Governu Konstituisional liu husi Sekretaria Estadu Komunikasaun Sosial (SEKOMS), kuarta 16/2025, ofisialmente selebra akordu ho Rádiu Komunidade (RAKOM) hamutuk 19 hodi fo apoiu orsamentu transferensia públiku ho montante $ 150.000.00, bazeia ba proposta neebe submete ba SEKOMS.
“Nonu governu konstituisional fo apoio ba Rádiu Komuniadade 19, tinan ida ne’e aumenta tan Rádiu Komunidade 2, ida iha Laclubar Manatuto no ida iha Balibo Bobonaro, ohin Rádiu Komunidade Balibo asina mos kontratu liu husi proposta ne’ebe Rádiu Komunidade propoin mai tuir prioridade no urjénsia sira nian mai SEKOMS, no ekipa SEKOMS hodi halo avaliasaun tuir proposta ne’ebe sira hato’o, saida mak sira halo iha tinan ida ne’e laran, depois ekipa Sekoms halo hotu avaliasaun aprova hotu, ohin asina kontratu ne’ebe nia kuantidade orsamentu ne’e la hanesan tuir ida-idak nia proposta balu 7000 balu 8000 balu 6000 sira mak sei jere rasik,” SEKOMS, Expedito Dias Ximenes ba jornalista sira iha salaun Maria Goreti SEI, kuarta (16/04/2025).
Governante konfesa, kada tinan Sekoms sei apoiu orsamentu transferénsia publika ba Rádiu Komunidade iha rai-laran, ema hotu hatene Rádiu Komunidade kria rasik husi komunidade liu-liu atu servisu ba komuniadade.
“ Tan ne’e husu ba jestor no jestora sira atu halo kobertura liu ba iha atividade agrikultor no joven nia no atividade iha munisípiu postu suku no aldeia Nia nian,” SEKOMS rekomenda.
Nia fundamenra, radiu komunidade halo kobertura persentajen 60% atividade agrikultor 40% ba aitividade serimonial sira hanesan atividade Prezidendte Autoridade Administarador Xefe suku 40% aktividade 60 % fo liu ba komunidade nia atividade, tan ne’e mak osan total aloka ba Rádiu Komunidade 150.000.00 mil ne’e fahe tuir pedido proposta.
“Ami halo kontrolu kada fulan sira hato’o relatoriu mai ami verifka proposta ne’ebe sira husu mai atu sosa ekipamentu no halo atividade ida ne’e los duni ka lae se sira halo la tuir proposta husi verifkasaun ne’ebe ami halo tinan la hetan ona buat ne’ebe sira husu tanba ami mos halo kontrolu ba sira Nia aitividade, tan nee tranferensia públiku ne’e atu gasta tuir sira nia hakarak maibé gasta tuir proposta no atividade ne’ebe sira hato’o mai,” governante ne’e sublina.
Sekretaria Estadu Komunikasaun Sosial mos planu ona iha 2026 atu servisu hamutuk ho Ministeriu Administarsaun Estatal atu tau mos osan ba iha Rádiu Komunidade sira tanba Rádiu Komunidade moris iha suku aldeia no postu administrativo rasik.
Jornlaista :Moises Guterres
