Lafaek News—Ministru Administrasaun Estatál (MAE), Thomas Cabral, Segunda (15/07/2024) konvoka reuniaun ho autoridade munisipiu Ataúro hodi ko’alia kona-ba poder admisaun finansas ne’ebé sei la submete ona ba governu sentrál.
Iha reuniaun ne’e Ministru Administrasaun Estatal Thomas do Rosário Cabral haktuir ba da-daun munisipiu hotu iha ona poder admisaun, finanças depois de avaliasaun ezekusaun orsamentu liu ona porsentu 50
“Munisípio hotu agora iha podér administrativu no podér finanseiru sira nia ezekusaun sira lá mai ona iha governo sentral sira nia funsaun diretamente ba sistema e banco sentral no ba ministeiru finansas depois de avaliasaun munisípiu dehan ezekusaun mais 50%, maibé relatóriu ministériu finanças menus husi ida ne’e, ohin loron tomak ho sira atu haree fila-fali ezekusaun 2024 nian e preparativus sira nia osan 2025, governu deside orsamentu menus husi 50.00 mill mai kraik sei entrega hotu ba munisípiu sira atu atende liu-liu mak eskola, sentru saúde agrikultura, merkadu, saneamentu no administrasaun.” MAE Thomas do Rosário Cabral ba jornalista Sira hafoin inkontru salaun GMN Bebora Dili.
Governante ne’e akresenta munisípiu ne’ebé boot liu hamutuk millaun 1 ba fundus infraestrutura hanesan edukasaun, saúde no agrikultura
“Oras ne’e da-daun orsamentu ba munisípiu ne’e boot Liu um milhão e tal ba fundos estrutura tamba iha inísiu do ano mai hosi orsamentu no proposta tuan ohin ne’e bolu sira mai atu reajusta fali orsamentu sira ne’e tenke bazea ba sira nia kondisoens iha kraik ne’e, kondisoens ida mak ema vurneraáel, kondisoens ida ohin sentru saúde iha, sentru saúde laiha rezistênsia ba médicos sira, eskola sira refeitóriu ba labarik sira atu uza ba merenda eskolar bee mós agrikultura, autoridade sira hahú normaliza fila fali kondisoens populasaun,”nia hateten
Thomas afirma tan, autoridade munisipiu sira tenke esforsu no sira mós tenki atinje objetivos atu harii governu lokál.
“Esforsu rua ne’e tenke kona-hotu, tanba orsamentu iha kraik ministério sentral tenke fo assistênsia téknica, ohin informa ona ba diretór jerál sira no diretór nasional sira hotu, ne’ebé iha ligasaun servisos ho munisípiu tenke fo assistência tékniku ba sira, ita mos tenke atinje objetivos atu harii governu lokál se sira iha ona governo lokal entaun sira mos iha ona governu polítikuno podér administrativu no podér finanseiru, autoridade munisipál sira liu-liu prezidente sira tenke iha papél ida mak reprezentante governu sentral no órgaun sira seluk iha kraik ne’e tenke rona no submete ba desizaun ne’ebe iha,” governante ne’e hakotu.
Jornalista Magan : Jonaida Corte Real /Maria José
Editor : Agapito de Deus