Lafaek News—Autoridade Protesaun Sivil (APC-Sigla Portugés), durante fulan Agustu 2025 hosi loron 11 to’o 18 rejistu tipu dezastre iha territorial Timor-Leste hamutuk 26, total uma 17 anin sobu, ahin han 8 no ema ida lakon vida.
“Ita nia relatóriu semanal hahú husi loron 11 to 18 Fulan augostu tinan 2025 durante semana ida ne iha rejiaun Timor leste normal akontese tipu dezastre ne’ebe sentru nasional operasional protesaun silvil rejistu tipu dezastre hamutuk uma estragu 26 uma anin sobu 17, ahi han uma 8, ema mate 1,” segunda 18/08/2025/.
Uma hirak ne’ebé afeta dezastre naturais iha 16 tama kriteria, asesu apoiu emerjénsia 10, númeru afetadus 165, hetan evakuasaun 39, liu-liu iha munisípiu Baucau anin sobu uma 8, ahi han uma 2, munisípiu Bobonaru anin sobu uma 4, ahi han uma 1, Lautem anin sobu uma 1, Likisa ema mate 1, Manatutu anin sobu uma 1 no ahi han uma 4, Oe-Cusse anin sobu uma 3, no munisipiu Viqueque ahi han ema 1.
Apoiu ne’ebé APC fo ba sira la’os aihan de’it, komandu operasaun sivil munisipiu sei kontinua halo levantamentu ba sasan ne’ebé estragus no lakon.
“Iha ne’e ita aumenta tan vítima ida mate ne’e akontese iha munisipiu Likisá iha loron 14 fulan Augostu Loes suku Lisadila aldeia Lebuoae, akontese eletrisidade soke vítima ho naran Manuel Fino ho idade 70 rezulta vítima mate iha fatin,” nia relata.
Kronolojia akontesimentu tuir informasaun Autroridade Protesaun Sivil munisipiu Likisa relata katak vítima chas telefone mak fiu eletrisidade kanek no soke vítima mate iha fatin.
Nune’e mos, ahi han uma lisan iha munisípiu Baucau APC apoiu de’it emerjénsia tanba tuir kategoria uma lisan la tama iha kategori ne’e.
Entretantu husi parte protesaun sivil da-daun hala’o hela treinamentu projetu bee sirpi nian ba iha munisipiu sira ne’ebe tarjeitu hanesan Vikeke no Suai treinamentu prevensaun no metigasaun.
Jornalista : Moises Guterres/Trifonio Martins
