1/”Hau garanto (fiar hau): ida nebé mak la tama housi odamatan bibi sira nian, maibé sae housi sorin, mak naoktén no salteador (perampok). (Mak lafaek sira tama mai?!)
2/Maibé ida nebé mak tama housi oda matan mak bibi sira nia mahein/atan. (Bibi atan sira nebé loloos ka!?)
3/Mahein loke matan ba nia no bibi sira rona nia lian; bolu idak-idak ho naran no lori sira ba liur. (Bibiatan loloos hatene nia bibi sira, temi idak-idak nia naran. Sé mak bibiatan sira né?!)
4/Hafoin housik tiha nia bibi sira sai hotu, nia lao uluk iha bibi sira oin, no bibi sira lao tuir deit nia basá sira conhece nia lian. (Bibi sira nebé ho matan delek no tilun diuk, bele tuir sira atan/nain?!)
5/Sira nunca atu tuir ema fuik-leet (estranho) ida; oinseluk, sira sei halai hotu housi sira tanba la conhece ema fuik (estranho) sira nia lian”. (Realidade hatudu : rona mós lian fuik lohi, bibi balun haksoit sai lutu liur?!).
B) Iha Bíblia, S. Paulo fo hanoin katak Diabo mós hakfilak-an nú “Anjo Makroman Nabilan”. Né mak tátika ida atu hamout/hamout ema (1Kór 11, 14).
Paulo hakerek mós ba Pedro :”Diabo lao haleu ba-mai hanesan asu-fuik hamlaha meau-aun buka ema (mangsa/presa) atu tolan nia; matan moris ba hodi hasoru nia” (1Pedr 5 :
Reflexão pessoal :
Diabo ho Satanás bele haré isin ho matan? Lae. Tanbasá? Tanba sira ser espírito? Se nuné, oinsá mak ema bele hatene no haré katak sira babeur ema?
Maluk sira : Diabo loloos, lá haré nia isin tan nia makhoris espírito. Maibé nia existe duni, halerek iha Bíblia.
1) Diabo nia babeur liuhousi meio, fatin, biban no maneira oin-oin nebé atraente housi ema nia neon laran no housi hahalok liur sira. (Haré Ukunfuan 9º).
2) Satanás nia babeur hatudu momoos liuhousi ema nia lalaok no hahalok aat sira, ema bele haré hodi hadok-an ou hakbesik ba, convive/partilha. (Haré Ukunfuan 6º)
3) Iha aspeto religiosidade mós, cuidado : Bele halo ema fiar nain sira sai confundido, se koko aparição ou visão iha nia morís, hasotu anjo ka haré diabo? Tan né, tenki tetu didiak ho Roman Espírito Santo. (Haré “os 7 dons do Espírito Santo”, o Dia Santificado, nº 54, pág. 59).
4) Ikus, iha provérbio Indonesia ida, lé : “Pohon yang baik akan menghasilkan buah yang baik”. Nuné mós, nuudar ema (bibiatan no bibi sira), diak ka aat, haré no conhece sira housi sira nia lalaok no hahalok sira. Amén.
