Lafaek News—Padre José Mariano de Deus nia omilia iha misa Domingu alleluia, hateten Jesus nia moris hias ne’e la’os padre ho madre de’it mak haklaken, maibé sarani sira mos tenke sai misionáriu haklaken nai Jesus Cristo nia moris hias ba malauk sarani sira seluk.
“Entun ho lituras sira ne’e bok Ita nia fuan, book Ita nia laran atu loke neon ba ema seluk, hasee netik, vizita netik, haree netik, tau matan netik ema, ita ne’ebe hanaran an sarani atu sai ba haklaken Ita nai Jesus Cristo nia moris hias husi mate ba sarani sira , la’os Nai-lulik de’it ho madre de’it, katekista de’it, maibé Ita hotu hanaran-an sarani Ita hotu iha obrigasaun, sai ba haklaken Ita nai Cristo moris hias ba ema ema seluk,” Pe. José Mariano de Deus hatoo iha omilia ba sarani sira iha uma Lako Sao Francisco aldeia buka fini AIlok-laran, 20/04/2025
Nai-Lulik ne’e esplika, haklaken Jesus nia moris hias mak hanesan hahalok di’ak sira, liafuan diak sira, servisu no domin ba ema seluk, inan-aman sira mos hanesan, haklaken liafuan diak ba oan sira no profesores sira, haklaken nai Jesus Cristo nia moris hias ba alunus sira, no ukun nain sira no nai ulun sira mos hanesan, oinsá ho Cristo nia moris hias ida ne’e, book neon-laran hodi servi ba nasaun ida ne’e ho diak ho neon ho laran, ho Jesus nia fuan to mate iha krús sai nudar karan ida husi maromak ba ema fiar no banati tuir nia hahalok sira.
“Horklan Ita selebra ona Ita nai Jesus Cristo nia moris hias husi mate, atu dehan oferese hela mai ita notisia foun transforma Ita nia moris uluk nian ba moris foun, belun sarani doben sira oras ne’e hamutuk ho Cristo nia moris hias, ita ne’e ema foun, ema maromak ninian tanba ita selebra Jesus nia terus mate no moris hias, ho nia esperansa mai ita katak mate sei la ukun ita, no esperansa mai ita katak sala sei la hanehan tan ita, nakukun sei la hafalun tan ita, tauk sei la ameasa tan ita, ksolok ne’ebe ita iha oinsá ita bele fahe ba ema seluk, tanba ita ne’e maromak oan.
Ukun nain sira no nai ulun sira mos oinsá ho Cristo nia moris hias ida ne’e book-neon laran hodi servi ba Nasaun Ida ne’e ho di’ak ho neon ho laran, ho Jesus nia fuan too mate iha krus sai nudar karan ida husi maromak mai ema atu fiar no banati tuir nia hahalok sira.
Iha fatin hanesan, sarani Kapela Uma Laku Saun Francisco, Jaida Maria haktuir, misa domingu alleluia ida ne’e , misa ba nai Jesus Cristo nia moris hias husi mate, no bee bensaun ne’ebe prepara ne’e sarani sira sei kuru hodi lori ba uma, bainhira hetan moras ruma hodi kose ba rentos no hemu.
“Iha dadersan ida ne’e misa resurisaun katak misa Jesus Cristo moris hias husi mate no mos bee bensaun ne’ebe prepara ona atu fo ba sarani sira no be’e bensaun ne’ebe prepara ne’e sarani sira sei kuru hodi lori ba uma karik hetan moras ruma hodi kose ba rentos no hemu se wainhira senti moras no lakon buat balu Ita bele hemu bee bensaun ne’e,” sarani ne’e haktuir.
Observasaun jornalista Lafaek News nota katak, iha selebrasaun misa Domingu resurisaun ne’e, partisipa hosi sarani aldeia Timor Kmanek, Buka Fini, Ruin Naklekar, Lemoransa no sarani aldeia Terus-Nain, durante misa la’o ho hakmatek tanba hetan seguransa hosi grupu THS-THM, KPK inklui eskuteiru.
Jornalista : Maria José
