Bobonaru-(Lafaek News)–Xefe aldeia Galo 10, suku Lahomea postua administrativu Malliana, munisipiu Maliana, Henrikus Surry, hatoo nia agradesimentu boot ba ONG PERMATIL ne’ebe konstrui ona bee moos ba komunidade sira liu husi atividade konservasaun kee debu.
“Agradese ba PERMATlL tanba ho domin bo’ot bele mai halo survey fatin ida ne’e hodi bele halo konstrusaun bee Debu sai bee mos,no mós hodi oferese ona ba ami nia aldeia tomak inklui posto Maliana,” afirma xefe aldeia Galo 10, Henrikus Surry ba Lafaek News, iha aldeia Galo 10, Domingo (22/11/2020).
Autoridade lokál ne’e orgullu tebes ba PERMATIL nia esforsu ho fuan boot bele hala’o konservasaun bee debu sai bee mos hodi fornese ba suku Lahomea laran tomak inklui too iha postu adminisrativu Maliana.
Henrikus Surry, dehan iha nia parte foin haree primera vez PERMATIL hala’o nia programa ida kona-ba bee debu sai bee mos iha nia aldeia bele fornese too Maliana laran, ida ne’e sente hanesan orgullu boot ida ba populasaun postu Maliana.
“Iha tinan hirak liu ba ha’u nia komunidade sira preokupa ho bee mos,maibe iha tinan kotuk nee mak (PERMATIL) mai surfei fali hau nia aldeia ida ne’e hodi buka fali katuas liu nain sira tur hamutuk, hodi halo fali ami nia kultura mak ami foin hetan bee mos too agora, ami kee bee debu hodi sai ba bee mos PERMATIL mak mai hodi oferese aihan mai ami hodi kee ne’e, Debu ne’ebé ami kee nia boot hetan 100×20, meter no nia kiik hetan 8,” Henrikus sublina.
Autoridade lokál ne’e haktuir atividade kee debu ne’e ho voluntarizmu, maibé komunidade husi aldeia seluk lakohi partisipa, más laiha buat ida importante mak fornese bee ba komunidade sira bele utiliza hodi responde sira nia nesesidade moris loro-loron.
Jornalita : Etelvina D. Sarmento
Editora : Nelya Barros
