Lafaek News—Prezidente Repúblika, Francisco Guterres Lú Olo, liuhusi Dekretu Prezidente Repúblika númeru 68/2020 nomea Rui Augusto Gomes hodi asume pasta Ministru Finansas iha VIII Governu Konstitusionál.
karta nomeasaun Rui Gomes asume kargu Ministru Finansas.
Liu husi komunikadu imprensa ne’ebé lafaek news asesu iha segunda (23/11/2020), husi media palásiu prezidénsia, sita Konstituisaun Repúblika Demokrátika Timor-Leste artigu 106 númeru 2 atribui kompeténsia ba Prezidente Repúblika ba nomeasaun membru Governu, tuir proposta husi Primeiru Ministru.
Serimónia tomada posse ba Ministru Finansas Rui Augusto Gomes sei hala’o ohin, 23 novembru 2020, tuku 16.00, iha Palásiu Prezidénsiál Nicolau Lobato.
Prezidente Repúblika uza nia podér konstitusional bazeia ba alinea h husi artigu 86 Konstituisaun Repúblika Demokrátika Timor Leste ne’ebé hateten foti, fó posse no hasai membru Governu, tuir proposta Primeiru Ministru nian, iha termu númeru 2 artigu 106.
Molok halo nomeasaun, liuhusi Dekretu Prezidente Repúblika númeru 67/2020, Prezidente Repúblika ezonera Ministru Finansas Fernando Hanjam, tuir proposta husi Primeiru Ministru.
Dekretu Prezidente Repúblika asina iha 23 novembru 2020, iha Palásiu Prezidénsial Nicolau Lobato.
Media PR
