Lafaek News—Kompañia Oppo iha Timor-Leste apoiu orsamentu rihun Ida (1000) ba Uma Mahon Sentru Miguel Magone hodi sosa nesesidade bazikas lor-loron nian.
Jestor kompañia oppo, Amaro dos santos, hatete, durante ne’e ajuda ona no halo doasaun ba kbi’it la’ek sira ne’ebé mak presisa tebes atu ajuda.
“Durante ne’e ami halo doasaun ba kbi’it la’ek sira, no ema neebe mak presiza tebes atu ajuda sira, no ami ajuda la’os uma mahon deit maibé ami mós ajuda kbi’it la’ek sira ne’ebé hela ho madre sira iha Pantai-kelapa,” dehan Amaro dos Santos ba jornalista lafaek news iha Balide, sesta, (19/02/2021).
Nia hatutan, programa ne’e hala’o kada tinan sempre iha no iha loron bo’ot ruma sai hanesan eventu ida ba kbi’it la’ek sira liu-liu sira ne’ebé presija tebes tulun.
“Programa ne’ebé mak ami hala’o ne’e kada tinan ami sempre halo doasaun ba kbi’it la’ek sira no liu-liu ba sira ne’ebé mak presisa tebes atu ajuda sira, no liu-liu iha fulan novembru no dezembru nian laran sempre iha eventu kona ba doasaun ba kbi’it la’ek sira “, nia esplika.
Nia esplika, tuir lolos atu hola sasan hanesan sexta basika hodi ajuda sira kbi’it la’ek, maibé hare’e ba sasan uituan.
“Tuir lolos ami atu hola duni sasan hanesan sexta basika hodi fahe ba sira, maibé ami hola sasan iha loja orsida oituan de’it entaun ami labele hola, maibé ami ajuda de’it ho osan montante $1000 ba sira,” dehan nia.
Amaro hatutan, wainhira nia mai visita labarik sira nia senti triste, tanba labarik barak hasoru problemas oioin.
“Senti triste tebes wainhira mai hare’e labarik sira iha uma mahon ida ne’e, tanba sira mesak kbi’it la’ek no hasoru problrma ne’ebé oi-oin, no presiza duni atu ajuda sira,” nia hakotu.
Jornalista : Domingas Viana
ASisten Editór : Pedro de Almeida
