Lafaek News – Governu liuhusi reuniaun Konsellu Ministru (KM) deside ona aprova Ataúro sai munisípiu espesiál inkluí Hatulia B Ermera no Lore Lospalos sai postu adminitrativa foun Iha Timor-Leste
Desizaun ne’e bazeia ba alternasaun daruak husi lei n.11/2009, loron 7 fulan outobru kona-ba divizaun administrativa territória nian ne’ebé propoin husi Ministru Administrasaun Estatál (MAE), Miguel Pereira do Carvalho
“Konteúdu husi proposta ne’e, inklui proposta atu hari’i munisipiu Ataúro, hari’i mós postu ida iha Hatulia fahe ba rua Hatulia A no Hatulia B no sei hari’i postu administrativu Loré iha Lospalos, karik ida ne’e hatudu aprovadu entaun Timor-Leste sei iha Munisipiu 13 no munisipiu foun Ataúro no Raeoa no sei aumenta tan postu rua” informa Ministru Prezidénsia Konsellu Ministru Fidelis Manuel Leite Magalhães ba Jornalista sira hafoin remata enkontru Konsellu Ministru iha Palasio Governu Dili, sesta, (19/02/21).
Ministru Prezidénsia Konsellu Ministru, Fidelis Magalhães, hatutan, iha konstituisaun hatuur katak rejiaun espesiál mak Oecuse no Ataúro, tuir lei ne’ebé mak iha katak atu hari’i Munisipiu tenke iha rekezitus, rekezitu ida mak territóriu no rekezitu ida mak populasaun maibé, Ataúro espesiál maka apesar populasaun ki’ik bele hetan títulu asesionál hodi bele hari’i Munisípiu ida
“Proposta lei ida ne’e iha futuru mai, pertinente ba divizaun administrasaun Nasionál territóriu tomak hodi devide tuir mapa, postu iha ne’ebé no munisipiu iha ne’ebé, no nia karaktér rasik posteriormente iha futuru mai mak sei regula, ne’ebé agora ita kolia kona-ba oinsá mak hafahe no hatuur munisípiu no postu sira iha fatin, depois kada detalla sira ne’ebé sei hatuur iha kada munisípiu ne’e lei mak sei regula iha tempu oin mai,” tenik nia
enkuantu proposta lei ida-ne’e sei submete ba Parlamentu Nasionál ne’ebé ho objetivu atu kria sirkunskriasaun administrativa foun ida eskalasaun dahuluk nian, munisipiu Atauro ne’ebé territóriu illa Ataúro nian mak baze ba postu administrativu Ataúro Munisipiu Dili nian, ne’ebé la eziste ona, nia esplika
Jornalista : Juvita dos Santos
Asisténsia Editór :Egidio Nono
