Lafaek News—Segundu Komandante Munisipiu Dili (KMD), Superintendente Polísia, Euclidea Belo, kuarta (17/03/2), hala’o vizita ba membru polísia hala’o misaun seguransa hamutuk ho jestaun merkadu hodi aproveita fahe maskara ba negosiante sira merkadu Taibessi.
“Ami mai iha ne’e atu vizita ami nia membru sira ne’ebé halo seguransa hamutuk ho jestaun merkadu nian embora husi vizita sira ami mos fahe maskara ba membru no kompradór inklui vendedór sira ne’ebé la uza maskara,” dehan Segundu Komandante Euclides ba Jornalista iha merkadu Taibesi Dili, Kuarta 17/03/2021.
Segundu komandante PNTL munisípiu Dili ne’e katak maskara ne’ebé fahe gatuita ba negosiante, komprador inklui membru polísia balu liu rihun 1.500 maka simu., nune’e asaun fahe maskara gratuita ne’e kompostu husi PNTL munisípiu Dili, Klibur Mama Bolu, Movimentu Tasi Mós, Reprezentante Komunidade Do Korenta hamutuk m halo asaun refere.
“Maskra ne’ebé ami fahe tanba hetan apoiu husi Ministeriu Interior, balun husi Sr. Fredi no mos maskra balu hetan husi reprezentasaun asensaun Xineza iha Timor-Leste ida ne’e mak ami hatutan fali ba ita nia komunidade sira,” Nia deklara.
Euclides adehan, tuir planu ba oin haree tuir kalendáriu tanba PNTL la’os servisu mesak, maibé servisu hamutuk ho Movimentu Tasi Mos, grupu Mama Bolu, Ministériu Saúde munisípiu Dili ho Prezidente Autoridade Munisipiu Dili inklui media.
Jornalista : Orlando Magno
Editora : Nelya Barros
