Lafaek News—Orgaun Konsellu Imprensa Timor Leste (CI-TL sigla Portigugés), Kuarta (22/01/2025), parte rua asina Nota Entendimentu ho objetivu asegura meius komunikasaun liu-lilu fo lisensa ba sidadaun sira ne’ebé hakarak harii Rádiu no Televizaun.
Prezidente ANC, Flavio Cardoso Neves, hateten akordu kooperasaun ne’ebé Asina ohin nee pasu inportante ba Konselo imprensa no Autoridade Nasional komunikasaun,atu haree didi’ak no fo lisensa ba ema sira ne’ebé atu loke rádiu no telvizaun iha Timor Leste antes atu hetan frekuensia.
“ANC parte haree liu ba tékniku no bele atribui aspeitu ba ema sira ne’ebé uza, ho nota entendimentu ida nee ANC sei hlo koordensaun ho (KI), se de’it mak atu halo atividade ida ne’e tenki rejistu uluk iha (KI) antes hetan frekuénsia ne’ebé sira presiza atu uza,” Prezidente ANC Flavio Cardoso Neves ba jornalista sira iha edefisiu Konsellu Imprensa Kintal-Boot, Kuarta semana ne’e.
Tuir nia, dezenvolvimentu komunikasaun sosiál barak mosu arbiru, tanba ema uza meius teknolojia barak, agora rádiu no televisaun uza streaming de’it, tam ne’e mak dezenvolvimentu hirak hanesan ne’e ita tenki prepara buka mekanizmu entre orgaun rua ne’e atu aplika buat ne’ebé di’ak, Ita nia nota entendimentu ohin ne’e atu fasilita diak liután ba ema ne’ebé asesu informasaun seguru ho kontente la’os atu asessu informasaun ida ne’e prejudika fali ba ema seluk, tanba ne’e mak nota entendimentu ne’e intensaun ne’e atu diak liu iha futuru hodi nune’e kria ambiente ida ba meius komunikasaun sosial ne’ebé di’ak liután,” nia sublina.
Iha Sorin seluk Prezidente Konsellu Imprensa , Otelio Oté, fundamenta, akordu ne’e atu simplifika liutan prosesu no mekanizmu rejistu meius komunikasaun sosial sira iha Timor Leste .
“Ita hatene Konsellu imprensa durante ne’e problema tékniku ituan kona-ba ohinsa verifika Rádiu no Televisaun sira, ita hatene televisaun 1 ou 2 to’o agora balu seidauk rejistu iha KI, razaun ita seidauk hatene nia baze legal lolos ho nia rekejitu ne’ebé lolos, ne’ebé Ita tenki konfirma iha ANC ida ne’e mak instituisaun rua ne’e halo koordenasaun metin nune’e verifika meius komunikasaun ne’ebé rejistu iha KI no ANC, Ita atu asesu asegura informasaun ba ema hotu bele fo lisensa ba Rádiu no Televisaun, atu asesgura distribuisaun informasaun ba sidadaun hotu, Rádiu no Televisaun ANC mak iha kompeténsia identifika, KI atu rejistu de’it meius komunikasaun sosial no orgaun komunikasaun sosial sira ne’ebé rejistu ona prosesu inisiu,” Oté akresenta.
Jornalista: Moises Guterres/Natalia de Jesus
Editor : Agapito de Deus