Lafaek News—Relasiona ho kazu tentativa omesidu akontese iha loron 18 fulan Novembru Hera, suspeitu insiál MF utiliza katana tenta oho fen ho inisial APP, no da-daun ne’e vítima rekupera suspeitu tama prizaun preventiva.
Segundu Komandante PNTL munisipiu Dili, Superintendente Polísia, Euclides Belo, informa relasiona kazu omesidiu iha hera sira haruka ona servisu investigasaun atu akompañia nafatin vítima.
Nia afirma, familia husi vítima husu atu halo doasaun raan, ho ida ne’e PNTL mos halo komunika ho parseiru sira balun atu apoiu raan.
“Vítima dadaun ne’e rekupera ona no suspeitu MF tama prizaun preventiva tan ne’e ita hein, konfirmasaun husi médiku katak, vítima bele fo informasaun ba polisia ka la’e,” dehan Euclides ba jornalista iha KMD Kaikoli Dili, Segunda 30/11/2020.
Segundu komandante ne’e informa, parte PNTL mos hatene, vítima ne’e grave purtantu médiku maka iha kompetensia autoriza PNTL halo interogatoriu no bele foti deklarasaun husi vítima ne’e.
“Ami iha koordensaun ho parte seksaun investigasaun kriminal, to tempu ida médiku sira bele hatete, vítima bele fo ona inforsaun normalidade ba nia pensamentu tomak kuandu diak ona kolaborasuan sira ne’e tenki la’o,” nia deklara.
Euclides hatutan, parte PNTL labele obriga see obriga maka nia hetan presaun husi perguntas sira ne’e bele mosu fali ho buat seluk, tanba ne’e PNTL tenki akonpañia kazu ne’e too iha finál.
Jornalista : Orlando Magno
Editora : Nelya Barros
