Lafaek News—Sekretáriu Estadu Formasaun Profesional Empregu (SEFOPE), sei haruka traballarór Timor-oan hamutuk na’in 162 ba servisu Austrália no na’in 292 simu ona sertifikadu husi sentru formasaun AHHA.
“Ohin ha’u mai partisipa iha serimónia fahe hela sertifikadu ba ita nia alin sira hamutuk nain 292 ne’ebé kursu lian Inglesh, no sira ne’e mos naran tama hotu iha sistema atu ba servisu iha Australia hamutuk 162,” SEFOPE , Alarico de Rosario ba jornalista sira bainhira partisipa iha serimónia distribuisaun sertifikadu ba graduadus sira iha sentru formasaun AHHA Bekora segunda, (30/11/2020).
Alarico dehan, SEFOPE mos haruka ona karta ida ba MNEK atu haruka tan traballadór nain 162 ba servisu iha Australia aban 1/12/2020.
“Sim ha’u halo ona karta ida ba MNEK nos sira despaxa karta tun ona no aban ita nia traballador sira hamutuk na’in 162 aranka ona husi ne’ee ba ona, aviaun aban atu tula ita nia traballadores sira ne’e mai husi australia ita timor aviaun mos seidauk iha ne’ebé ita hein deit aviaun sai ida mak aban atu mai tula ita nia traballadores sira,” afirma nia
SEFOPE, Alarico do Rosario, husu ba traballadores sira ne’ebé aban aranka ba Austrália tenke respeita ema nia kultura no kumpri ordem servisu nian.
“Lia-menon ba trabalhador sira mak nee ita ba tenki respeita ema nia kultura iha neba no hadia mos ita nia mentalidade servisu nian hodi nune’e ita bele servisu ho di’ak nune’e fila mai Timor karik halo netik buat ruma iha timor,” Nia hakotu
Jornalista : Abrão da Costa S. Martins
Editora : Nelya Barros
