Manatutu-(Lafaek News)—Ekipa voluntarizmu Organizasaun Noun Governamental (ONG) PermaKultura Timor- Leste (PERMATIL) husi Dilia agradese ba movimentu Konservasaun ba bee kria Debu Laklo nian ne’ebè iha koordenasaun di’ak hodi kee Debu.
“Ami agradese tebes ba ekipa movimentu konservasaun Laclo nian, tebes kolabora malu di’ak ho autoridade lokál, lia nain, no komunidade sira, ne’ebè ohin prátika kee debu ne’e tanba sira iha hanoin duni atu prepara bee ba jerasaun foun,” Informa Rosantino Amaral ba Lafaek News iha Hatu-Conan 29/11/2020, hafoin remata kee Debu ba Loron Daruak nian, hodi taka atividade kee Debu nian.
Nia hatutan Objetivu husi atividade ne’ebè durante ne’e Hala’o konaba pràtika debu nian atu koleta udan been, Jodi nune’e fò han fila-fali ba bee matan sira ne’ebè maran no menus, atu bee matan sira ne’e kontinua eziste.
“Formsaun ne’ebè sira hetan, sira ba tuir iha suku Dare durante loron tolu iha ne’eba ida ne’e mak sira mai implementa fila mai iha sira fatin, ohin loron ita haree da-daun rezultadu ne’ebè sira halo ona di’ak tebes ho kolaborasaun partisipasaun komunidade ne’ebè servisu ba loron rua nia laran nian,” subliña Nia.
Dezafius ne’ebè mak durante sira hasoru ekipamentu mak menus uitoan, maibe liña koordensaun ho komunidade di’ak entaun ladun iha problema ba ekipamentu sira, Hakotu Amaral.
Entretantu Observasaun Lafaek News nia iha terenu haree, maske loron manas, maibè movimentu konservasaun bee, komunidade, partisipa mòs husi estudante estajiadu Balun husi UNTL/ UNDIL sira iha nafatin vontade hodi kee Debu Rua ida Primeiru ho ukuran Naruk Metru sanulu resin Lima (15) no Luan Metru tolu (3), no ida segundu Naruk Metro Ruanulu (20), luan metro ida (1), ne’ebè mak ho rezultadu di’ak tebes.
Jornalista : João da Costa Soares
Editora : Nelya Barros
