LafaekNews-Sesta (11/03/2022), kampaña kandidatu Prezidente Repúblika númeru sorteiu 6, Francisco Guterres Lú Olo ba dala-11 iha kampu Futebol munisípiu Vikeke, nakonu ho kores mean no hafutar ho bandeira partidu FRETILIN.
Iha diskursu polítika, kandidatu númeru sorteiu 6, Francisco Guterres Lú Olo hatete, ema hotu sente da-daun hein de’it loron balun atu hakat ba votasaun iha 19 Marsu, kasu lian hamutuk iha ne’e, familia, oan sira husik hela votu, bainhra husik votu nudar bukae ida hodi la’o hamutuk servi povu Timor-Leste.
Hein de’it loron balun atu hakat ba 19 Marsu, kasu lian hamtuk iha ne’e katak ha’u imi nia kandidatu, familia, oan sira, husik hela imi nia votu, bainhra husi imi nia votu nudar bukae ida mai ha’u hodi lao hamutuk ho imi hodi servi povu Timor-Leste ida ne’e”, deklara Kandidatu numeru sorteiu 6 Francisco Guterres Lú Olo iha kampu Vikeke Villa, sesta (11/03/2022).
Iha fatin hanesan, Presidente komisaun Nasionál (CPN) partidu Libertasaun popular (PLP) Antonio Freitas haktuir, apela ba militante husi Vikeke, kandidatu ida ne’e hanesan Presidente Repúblika garante tomak konstituisaun-RDTL iha oitavu governu durante nia mandatu, laiha krize ida akontese iha rai Timor-Leste, liu-liu iha rai moris fatin Vikeke, husu Vikeke-oan fo votu ba Vikeke oan rasik. https://lafaeknews.tl/lu-olo-la-manan-iha-manatutu-marcelino-troka-tiha-hau-nia-naran/
Apela ba militante husi Vikeke, ita nia kandidatu ida ne’e hanesan Presidente Repúblika nia mak garante tomak Konstituisaun RDTL nian iha oitavu governu, durante nia mandatu laiha krize ida akontese iha rai Timor-Leste espesial iha rai moris fatin Viqueque, garante unidade nasionál, lahanesan sira seluk, valoriza eroi sira, husu Viqueque oan fo votu ba Viqueque oan rasik” , deklara Presidente (CPN) partidu Libertasaun Populár António Freitas iha intervensaun kampania dala 11 kandidatu numeru sorteiu 6, iha kampu Vikeke Villa.
Entretantu tuir Vice II Presidente Os Verdes Timor Babtista Sailafila Jnr reafirma , hanesan mos Vikeke-oan, OS VERDE aposta nia an liu husi partidu FRETILIN, hamrik metin atu luta ba Lú Olo, hakarak aposta an iha dezenvolvimentu sustentável ba povu.
Hatete ba Os Verdes nia oan iha Viqueque iha 5 mill atu fo hotu votus ba kandidatu númeru sorteiu 6 Lú Olo, ba tur iha Aitarak-laran 1 , aman uniku ba povu Timor-Leste tomak, labele laran taridu”, dehan Vise Presidente Os Verdes iha intervensaun kampaña ba dala-11 ne’e.
Entretantu, hafoin ba iha fatin kampania kampu Futebol Viqueque Villa, kandidatu Francisco Guterres Lú Olo, ho espoza no Familia, tau aifunan iha rate hodi fo omenajen kandidatu nia apa,ama no familia iha semiteriu suku Uaguia postu administrativu Ossu.
Militantes partidu FRETILIN ne’ebé partisipa direta kampaña ne’e mai husi postu administrativu Watukarbau, Osu, Watulari, Lakluta, Vikeke-vila, Dilor, konsentra iha kampu Futebol Vikeke-Villa, bainhira kandidatu númeru sorteiu 6 too iha fatin kampaña, simu husi lian nain sira tuir lisan Vikeke nian hodi fo hatais tais tradisionál kandidatu Lú Olo ho espoza, kampania ne’e partisipa husi Sekretáriu Jeral partidu FRETILIN Marí Alkatiri.
iha observasaun lafaek news nota, iha kampaña kandidatu númeru sorteiu 6 ne’e, hetan partisipasaun másimu husi miliatantes no simpatizantes partidu FRETILIN, observador nasional no internasional kompostu husi, PDHJ, CNE, STAE ho Uniaun Europea, tuir ajenda sei kontinua komisípiu polítika iha munispiu Baukau, loron 12/03 tuir orariu komisaun Nasionál Eleisoens.
Jornalista : Rita Moniz
Editor : Agapito de Deus
