Lafaek News( Likisá)-kandidatura prezidente repúblika periodu 2022-2027 ho númeru sorteiu 9, Armanda Berta dos Santos afirma bainhira povu fo fiar ba prezidente repúblika sei fo hanoin ba governu atu jere lolos minarai no gas hodi hadia ba povu nia moris
Armanda Berta dos Santos haktuir Timor Leste oras ne’e da-daun depende hela ba Mina no gas maibé loron Ida Nia sei maran.
Oras nee da-daun Ita depende uela ba riku soin Sira hanesan Mina rai gas marmer no rekursus seluk tan, tan ne’e ita tenke jere lolos riku soin ne’e uja ba povu nia moris diak,”dehan Berta lafaek news iha kampu futebol Likisá, sesta ( 11/03/2022).
Nia dehan, sai prezidenti repúblika sei hala’o srvisu tuir konstituisaun hodi bele hametin estadu de direitu demokrasia iha Timor Leste nu’udar nasaun ne’ebe soberanu.
Entretanto, konselliru Máximu partidu Kmanek Haburas Unidade Nasional Timor-oan (KHUNTO), Jose dos Santos Naimori Bukar hateten Berta mak sai prezidenti ba periodu 2022-2027 sei mosu buat foun iha nasaun Timor Leste no sei hadia povu nia moris.
Se Berta mak sai duni prezidente tinan 5 sei mosu buat foun iha Timor Leste joven sira sei la baku malu no joven Sira sei la estraga tan nasaun ne’e, tan ne’e joven sira haluhan tiha pasadu hodi hateke fila fali ba futuru hodi hadia ita nia moris,”nia hakotu
Tuir observasaun Jornalista lafaek news nota iha kampaña ba dalasia ne’e hetan partisipasaun màximu husi militantes simpatizantes no mos hetan observasaun diretta husi CNE, STAE, PDHJ inklui observador nasional no internasional, durante kampaña la’o hakmatek tanba hetan seguransa husi PNTL munisípiu Likisá.
Jornalista :Domingas Viana
Editor : Agapito de Deus
