Vikeke (Lafaek News)–Primeiru Ministru Taur Matan Ruak ho Prezidente Repúblika Francisco Guterres Lú Olo, uluk iha periodu kampania promete ba populasaun parte leste katak bainhira manan iha eleisaun sei hadia estrada Baukau ho Watu-Karbau.
Veteranus Miguel Valadares alias ‘Kailoi’ Husu Primeiru Ministru Taur Matan Ruak no Prezidente Repúblika Francisco Guterres Lú Olo, hadia estrada Baukau ho Watu-Carbau iha ne’ebé promete iha kampania, ‘’uluk sira mai dehan imi hili ami ba ukun ami sei hadia estrada Baukau ba Vikeke, maibé agora ukun tiha la hadia estrada.
Ha’u husu ba maun boot nain rua ne’ebe agora Prezidente ho primeiru ministru atu hadia estrada husi Baukau mai Laga Baguia to’o mai Watu-Karbau tanba uluk kampanha maun sira dehan imi hili ami ba ukun ami sei hadia estrada, maibé to’o agora la hadia,” Miguel Valadares ba lafaek news iha sede suku Watu-Karbau foin lalais ne’e.
Hodi dehan, iha area Baguia Watu-Karbau, produtu lokal komunidade nian barak mak estraga de’it la lori ba merkadu Baukau ho Dili, tanba kondisaun estrada ne’ebé ladiak, komundade nia produtu lokák barak tebes, maibé husik dodok estraga de’it, tanba transporte laiha .
Iha Sorin Seluk responsavel Postu Saúde Afaloicai, Leão Horacio Guterres informa katak postu saúde ne’e hasoru maka hanesan kondisaun estrada mak ladiak difikulta Servisu Pesoal saúde sira iha postu saúde Afaloicai
Problema ne’ebe ami hasoru maka estrada ne’ebe mak ladiak entaun ami lori motor mak ba foti aimoruk masa ida masa rua iha sentru saude Watu-Karbau hodi lori mai fo komunidade sira iha ne’e”
Jornalista : Abekha Rai-Husar
Editor : Agapito de Deus
