Lafaek News—Mosu Konfrontasaun entre grupu ho grupu tuda malu, wainhira serimonia isar bandeira la’o namanas, grupu ne’ebé kuaze joven de’it mak tuda malu iha kampu serimonia laran, nune’e deskonfia polisia ho obrigasaun tenke tiru mane (joven) ida atu bele normaliza situasaun nune’e serimonia isar bandeira bele la’o ho hakmatek.
Entretantu, kronolojia lolos hosi akontesimentu ne’e seidauk hatene tanba sei iha prosesu investigasaun hosi autoridade seguransa hafoin bele hatene motive hosi akontesimentu refere, joven mane ida ne’ebé hakanek hosi polisia oras ne’e evakua kedan ba hospital Maliana hodi halo tratamentu.
“Akontesimenu ne’e joven sira asalta malu iha Postu Kailako, munisípiu Bobonaro, Bainhira iha hela Seremonia Selebrasaun loron Restaurasaun independensia 20 de Maiu, joven sira tuda malu, nune’e Polisia halo atuasaun alegadamemte tiru kanek joven ida, hafoin akontesimentu , joven ne’e evakua ona ba iha Hospital Maliana hodi halo tratamentu,” informa hosi fonts kredivel ba Lafaek News via whatsaap, tersa 20/05/2025.
Iha video ne’ebé grava hosi partisipantes balun iha serimonia refere hatudu joven sira ne’e duni malu hodi tuda malu iha kampu serimonia laran, hala’o povu sira ne’ebé partisipa hela iha serimonia nasional ne’e tenke hala’I namkari tanba trauma ho fatuk ne’ebé tuda hosi grupu ida ba grupu seluk.
tuir fontes fonter informasaun ne’ebe lakohi atu publika nia identidade informa ba lafaek News katak, joven ida ne’ebe hetan kanek hosi akontesimentu refere hakotu ona iis hafoin halo tratamentu iha hospital Maliana no iha akontesimentu joven nain tolu mos hetan kanek.
Ekipa Lafaek News
