Lafaek News—Programa Monitorizaun Sistema Judisiál (JSMP) rekomenda Ministériu Administrasaun Estatal (MAE) no Ministériu Solidariedade Sosial no Inkluzaun( MSSI) atu atualiza dadus benefisiáriu ba subsídiu uma kain nian atu bele ajuda no define lolos se de’it mak iha direitu ba subsídiu 200 USD.
Programa Monitorizaun Sistema Judisiál( JSMP) realiza komunikadu imprensa iha edifisiu JSMP Kuarta ( 28/09/2022) relasiona ho informasaun ne’ebé mak fo sai liu husi media iha loron 15 Setembru 2022, Vise Ministru Administrasaun Estatal (MAE) halo fali deklarasaun ne’ebé sees ka kontrariu husi dekretu-lei refere katak subsídiu ne’e sei atribui ba uma kain hotu no sei la haree kargu no tabela salariál, Aleinde deklarasaun Vise Ministru nian ne’e, iha mós informasaun kredivel no konfirmadu husi liña ministerial relevante sira katak subsídiu ne’e atribui ba uma kain hotu-hotu, inklui funsionáriu no ajente públiku ne’e nu’udar orientasaun husi Konsellu Ministru.
“Atu atualiza dadus benefisiáriu ba subsídiu uma kain nian hodi nune’e bele ajuda no define ho loloos se de it mak iha direitu ba subsídiu refere no família hotu-hotu ne’ebé tama iha kategoria vulnerável no nu’udar titular bele asesu”, dehan Koordernador programa observasaun Parlamentu Nasionál JSMP, José Perreira iha konferénsia imprensa iha edifisiu JSMP, Kuarta(28/09/2022).
Tuir Koordenador Jose, Governu implementa politika subsídiu $200 ba uma kain ne’e bazeia ba dekretu-Lei Nú 37/2022, husi dekretu-lei ne’e atu fo apoiu subsidiáriu ba uma kain sira ne’ebé mak ekonomikamente vulnerável tanba la iha serbisu no rendimentu fiksu no mós la asesu ba direitu no regalia sira funsionáriu no ajente sira administrasaun públku, pagamentu estraordináriu ba saláriu adisionál iha tinan nia rohan nee la inklui funsionáriu no ajente sira Administrasaun públiku nian.
Iha biban ne’e ba futuru JSMP Rekomenda ba kualker Governu atu halakon tiha tipu programa no politika subsidiariu sira ne ebe tuir JSMP hanoin la Sustentavel no la eduka povu sal badinas no produtivu, maibe kria tali situasaun dependensia ba Estadu, halo komunidade sai pasiva no la produtuva ne’ebé sei tau todan liu tan ba gastu sira Estadu no la kontribui ba hamoris no hasa e ekonomia Komunidade no dezenvolvimentu ekonomiku.
Entretantu, subsídiu ne’e Konsellu Ministru aprova ona (MSSI) hanesan instituisaunnimplementadór ne’ebé halo hela preparasaun ba pagamentu ne’ebé sei hala’o iha fulan Novembru no Dezembru tinan nee.
Jornalista : Rita Moniz
Editór : Agapito de Deus
