Lafaek News—Marcelino Correia da Costa ho idade 68, husi munisípio Baukau posto administrativu Venilale, suku Uai-Oli, aldeia Aca-Uata, moris ho presaun ekonómika ne’ebé la too atu sustenta nesesidade uma laran no atu harii netik uma dignu, maske mehi maibé la sai realidade, no kbiit mak obriga ho pasiénsia tesi tali tahan harii uma medida 3×3 hanesan barraka simples atu satan netik manas no udan.
Marcelino ema kbiit laek ho kondisaun defisiensia ain, labele halo servisu todan hanesan ema seluk hodi hadia ekonomia uma laran, nia dehan, dezenvolvimentu ohin loron halo kontente de’it ema uituan, maibé nain ba podér sira la sente saida mak akontese lolos iha povu nia leet.
Firme hodi simu realidade moris ida ne’e, más labele tane liman, maske kondisaun defisiensia la hakiduk servisu hodi hetan aihan husi toos ho natar atu sustenta moris iha uma tali okos, Marcelino rasik hakfodak ho nia idade ne’ebé iha ona direitu ba subsídiu idozus nian, maibé too ohin loron nia seidauk hetan direitu ne’e hanesan idozus sira seluk.
“Ha’u la hatene ha’u tinan ne’e merese ona atu simu terseira idade maibé na realidade sedauk nafatin i ha’u hanesan defisiénsia ain no liman maibé nunka simu osan kona ba ida ne’e , no sensus sira mos tama sai ona uma problema ne’ebé ha’u enfrenta hato’o ba sira maibé ha’u nia moris mak nune’e nafatin de’it”Katak Marcelino Correia da Costa ba jornalista Lafaek news iha nia rezidensia Aca-Uata , Kuarta (21/09/2022).
Marcelo moris ho nia kaben no iha oan nain rua, ida tinan 7, no ida seluk tinan 5, moris iha uma simples ida ne’ebé didin ho tali tahan no nu’u tahan hodi tahan loron nia manas ho anin bo’ot .
“Ha’u senti triste tanba nain ulun balun mai vizita ona ha’u ho familia sira ho tilun hare’e ho matan kona ba ha’u nia kondisaun ne’ebé ladi’ak maibé sira mai vizita de’it laiha hanoin ka buat ruma ne’ebé atu matan netik ba ha’u i ha’u mos sente triste bainhira hahan laiha no atu ba buka iha ne’ebé ha’u la hatene tanba ha’u mos katuas ona i ha’u defisiénsia ain no liman no forsa laiha ona atu halo servisu, maibé tan de’it ha’u iha oan no iha ha’u forsa hodi buka aihahan hodi fo han sira,”nia salenta.
Bainhira hare’e nia kondisaun saúde ladi’ak hamaluk ho triste, maibé nia la preokupa ho nia kondisaun, kontinua servisu hodi buka osan aihan fo han oan sira.
“Ha’u sente triste bainhira iha tempu udan halo ami la toba tanba udan ben tama de’it hein to’o udan paran mak hafoin deskansa i Bainhira tempu udan be’e iha hafoin ha’u hali tos no natar hodi ba fa’an atu sosa masin , mina maibé modo ne’ebé mak ha’u barak mak han de’it “ dehan Marcelino.
Kbiit laek ne’e, husu nain ulun sira atu tau matan netik ba povu ki’ik sira ne’ebé seidauk hetan subsídiu ba idozus sira inklui defisiénsia nian atu sira mos bele kontente ho sira nia moris.
Entretantu, ligadu ho preukupasaun Marcelino Correia da Costa kona-ba osan idozu nian, jornalista lafaek news tenta konfirma ho xefe aldeia Aca-Uata suku Uai-oli postu administrativu Venilale, munisípiu Baukau, maibé la konsege tanba xefe aldeia ne’e hala’o nia servisu laiha fatin.
Estajiada : Aldina Guterres
Editór : Agapito de Deus
