Lafaek News—Prezidente Repúblika José Ramos-Horta hateten, kna’ar Komandante Jerál no segundu komandante Jerál PNTL ne’e todan ne’ebé estadu entrega ho prinsipiu valor disiplina ondra no devér.
“Ba Komandante Jerál no Segundu Komandante Jerál ha’u aprejenta ha’u nia votus ho fuan no laran atu imi bele imi nia kna’ar ne’e, kna’ar ne’ebé todan estadu entrega ba imi ho prinsipiu valór sira hanesan disiplina, ondra no devér,”PR José Ramos-Horta hatoo asuntu ne’e iha ámbitu komemorasaun loron aniversáriu PNTL ba dala 23 no iha ba Komandante Jerál PNTL, Henrique da Costa no Segundu Komandante Jerál PNTL Pedro Belo iha edifísiu UEP Bairu-Pite segunda ne’e.https://www.lafaeknews.tl/komandante-jeral-pntl-husu-membru-polisia-garante-paz-iha-eleisaun/
Xefe Estadu afirma, loron-loron iha Komjer nia kakutak, iha komjer nia fuan, komjer nia kurikulum, profesionál akadémiku, profesionál Komjer nia istória servisu públiku hanesan promesa garantia, matenek kaer institutusaun PNTL ida ne’e ho valór aas tebes ho apartidarizmu polítiku.
“Imi kontinua halo esforsu mai husi antesesor sira hotu-hotu iha kotuk iha luta kontra inflitrasaun krime organizadu iha rai laran ida ne’e, iha tempu badak ha’u hakarak halo diálogu ho Komandu foun.”, katak Prezidente Horta hafoin fó pose ba Komandante Jerál PNTL no segundu Komandante Jerál.
Iha okaziaun ne’e xefe Estadu Ramos-Horta mos apresia ba Komandante Jerál PNTL sesante Faustino da Costa, Mateus Fernandes agradesimentu ba servisu ba nasaun.
“Imi servisu todan durante krize boot ne’ebé rai Timor Leste infrenta liu-liu ho krize polítika ne’ebé mai ho inundasaun, Covid-19 ha’u akompaña imi nia servisu, no ba forsa sira hakuak boot obrigadu susesu,” Xefe Estadu ne’e hakotu.
Jornalista : Rita Moniz
Editór : Agapito de Deus
