Lafaek News—Komandante Jerál Polísia Nasionál Timor Leste (PNTL), Henrique da Costa hateten, tinan 2023 nu’udar tinan polítika sei hala’o eleisaun ejize PNTL involvimentu aas no komprimisiu hodi mantein pás no eleisaun ne’ebé demokrátiku.
“Ita hotu hatene katak tinan ida – ne’e hanesan tinan polítika ne’ebé ita sei hala’o eleisaun parlamentár no eleisaun suku nian , ne’ebé sei ezije PNTL nia nivel involvimentu aas no komprimisiu hodi mantein pás no eleisaun ida ne’ebé demokrátiku”, hateten Komjer PNTL Henrique da Costa iha diskursu aniversáriu PNTL ba dala 23 iha Komandu UEP, Bairu-Pite Segunda, ( 27/03/2023).
KomJer sei orienta membru PNTL sira mantein imparsialidade no independentimente durante iha tempu polítika hodi hala’o servisu polísia nian ne’ebé profesionál no proporsionál hodi hametin demokrasia , sustenta ba dezenvolvimentu nasional ho prosperiedade .
“Ita dezempeñamentu funsaun tenke iha meus neutrál no imparsial hodi asegura partisipasaun sidadaun sira nian lha festa demokrasia ne’ebé sei hala’o ho livre , laho interferensia no importante liu maka iha ambiente ida ne’ebé seguru”, deklara Komjer Henrique da Costa.
Iha okaziaun ne’e Komandante Jerál husu nafatin PNTL atu komporta didi’ak no aplika matenek sira ne’ebé PNTL konkista ona durante tinan 23 hodi servi a komunidade.
Jornalista : Rita Moniz
Editór : Agapito de Deus
