Lafaek News—Komandante PNTL munisipiu Dili Superintendente Xefe, Henrique da Costa, husu komunidade sira hato’o keixa ba komandu bainhir Polísia Tránzitu (PolTranz) halo diskriminasaun iha atividade pasa revista (check point).
“Hakarak hadia ita nia polísia, karik komunidade sira observa membru PNTL balu halo diskriminasaun iha pasa ravista bele mai hato’o keixa iha komandu nunee ita bele foti medida,” Komandante Munisipiu Dili Henrique ba jornalista iha Komandu munisipiu Dili Kaikoli, Sesta 15/01/2021.
Komandante ne’e mós sujere komunidade bele ko’alia direta iha media nasionál no hato’o keixa ba komandu bainhira implementasaun polísia tránzitu iha baze insatisfatiza komunidade sira.
“Se ita hotu hadomi polísia lori ema nia identidade mai atu ita prosesa ema ne’e tanba orientasaun ne’ebé ita fo ba membru sira la hanesan ne’e karik akontese tan iha ita boot sira nia oin halo keixa hatama iha Komandu,” Nia hakotu.
Jornalista : Orlando Magno
Editora : Nelya Barros
