Lafaek News—José da Costa idade 32 husi postu administrativu Quelekai, munisípiu Baukau, husik hela oan nain haat no nian inan iha uma hodi mai Dili buka moris liu husi faan, sabraka, fore-rai ho bani-wen hodi tulun nesesidade ba nia uma kain labele falta ai-han bikan ida ba loron ida.
José luta hasoru loron manas, udan ho anin, la semte tauk no kole atu halo nia negosiu, maske servisu hanesan atan maibé haan hanesan liurai, más sente la triste, negosiu ne’ebé José hali labele tulun nia oan sira nia eskola.
“Sasan ne’ebé ha’u fa’an hanesan hudi, saburaka, forai, bani been, maibé produtu sira ne’ebé ha’u fa’an ne’e ho folin ne’ebé mak la hanesam, hudi ha’u sosa tomak ida $ 5 dollar, forai ha’u sosa karon ida $12 dolar, bani been ha’u sosa aqua boot ida $ 15 dollar,” haktuir José ba lafaek news iha Largo Lesidere, foin lalais ne’e.
Fore-rai ne’ebé nia sosa falun fali ba plástiku ida hetan dolar 1, bani-wen enxe fali aqua kuarter ida folin dolar 1 sentavus 50, maibé ema ladún sosa, se ema sosa hotu hetan fali osan funan loron 1 dolar 20, karik sorte mak liu, dala ruma ema la sosa.
“Bani been dalaruma ema sosa, dalaruma ema la sosa ha’u fa’an aqua ki’ik ida ha’u halo $1.50 cen,karik loron ida ha’u fa’an ema hola hotu dalruma la hotu, ema hola hotu ha’u hetan rendimentu $ 20 lae 30 ba leten karik ema hola hotu lae daruma ha’u hetan $ 15 follar deit loron ida, katak Quelekai oan ne’e.
José hanoin de’it, oinsá ai-han uma laran labele falta, basá loron ida hetan rendimentu kiik, maibé badinas nafatin, nakonu kbiit hotu hodi la’o iha manas ho malirin laran, la sente kole hanesan laloran tasi ne’ebé la sente kole.
“Ha’u lor-loron ha’u fa’an mak produtu lokal sira ne’e hodi sustenta ha’u familia liu husi fa’an produtu lokal ne’e mak ha’u bele hetan osan, karik ita tur iha uma de’it ita se la hetan osan hanusa mak ita atu bele sustenta ita nia familia uma laran.” Hatete josé da Costa.
Tuir josé hatete nia moris lor-loron mak fa’an de’it produtu lokal sira ne’e tanba liu husi ne’e mak nia bele hetan osan la barak maibé utun hodi sustenta nia familia, maibé nia oan sira la eskola hotu tanba ekonomia mak la susficiente ba nia ho nia hodi fo nia oan sira ba eskola.
Jornalista : Adolfina Soares
Editor : Agapito de Deus
