Lafaek news—Centru Nasionál Chega (CNC) no Organizasaun Noun-Governamentál (ONG) Belun, selebra akordu hamutuk liu husi asina nota entendimentu hodi reforsa implementa rekomendasaun Centru Chega iha komunidade ninia leet.
Diretor ezekutivu Centru Nasionál Chega, Hugo Maria Fernandes, hatoo agradesimentu no apresiasaun ba ONG Belun nia akompañamentu durante CNC iha tinan 2022, liu-liu akompania implementasaun ba parseria ne’ebé Centru Chega halo ho ONG belun no iha ámbitu ida ne’e agradese tanba kontinua halo públiku, ba entidades hotu-hotu kona-ba implementasaun no rekomendasaun ne’ebe husi relatóriu Centru Chega no mós relatóriu ba memoria nasionál nian.
“Hakarak hodi centru Chega hato’o ami nia agradesimentu apresiasaun ba akompañamentu durante servisu CNC nian tinan 2022 liuliu akompañamentu iha implementasaun parseria ne’ebé maka Centru Chega halo ho ONG Belun iha ambitu atu implementa rekomendasaun sira ne’e” Diretor Ezekutivu Centru Chega Hatete iha eis komarka Balide Dili, kuarta (01/03/2023.
Centru Chega hanesan parseria di’ak ne’ebé ho ONG Belun iha tinan hirak liu ba ho ida ne’e halo atividade kontinusaun ba Centru Nasional Chega.IP ba públiku nian no ONG belun, ho nune’e iha parte rua mak tama iha konkordansia ida ne’e ho intensaun atu fahe kbiit, fahe koñesimentu ho kapasidade ne’ebe iha hodi asegura ba implementasaun no rekomendasaun sira ne’ebe relasaun ho protesaun liu ba seguransa ba ema nian.
“Hanesan parseria ne’ebé maka hala’o tha ona iha tinan kotuk liu ba iha ne’e atividade kontinuasaun ne’ebé maka halo entre Centru Nasionál Chega.ip idade públiku nian ho ONG Belun, parte rua tama iha konkordansia ida ne’e ho intensaun ida atu hamutuk fahe kbiit, fahe koñesimentu ho kapasidade ne’ebé mak iha para i depois bele asegura implementasaun rekomendasaun sira relasaun ho protesaun promosaun Direitus Humanus liuliu ba seguransa ema nian, seguransa ema nian ne’e ita nia entidades públika maka iha responsabilidade atu garante atu proteze ida ne’e husi kedan ita nia autoridade lokál sira, ita nia instituisaun seguransa defeza sira nian” dehan nia
CNC no ONG Belun hala’o parseria iha instituisaun no hametin Seguransa ba ema hodi garante estabilidade iha iha sosiedade sira nia le’et.
Iha sorin seluk Diretor Ezekutivu ONG Belun, Luis da Costa Ximenes argumenta katak, ONG belun sai parseria di’ak ba Centru Nasionál Chega (CNC) hodi haforsa implementasaun ba rekomendasaun Centru Chega nian liu husi atividade Serimonia dialogo komunitariu sira no monnitorjizasaun ba rekolha dadus ne’ebé afeita ba nesesidade lor-loron nian.
“Oportunidade di’ak ida tan mai Belun hametin ninia parseria ho centru Nasionál Chega haforsa iha implementasaun ba rekomendasaun Chega nian liu husi atividades Serimonia dialogo komunitariu sira no mós monitariza ba rekolha dadus husi violasaun ne’ebé mak afeitadu ba violrnsoa sira moris lor-loron nian no mós oinsá ba kapasidade ba prevene Konflitu sira ne’e hodi la hamosu tensaun ba fatin ka eskala sira iha fatin sira seluk” hateten Diretor Ezekutivu ONG Belun
Agora dadaun tinan ida ne’e atu tama ona ba festa demokrasia ba eleisaun parlamentár nian ne’ebé iha Belun mós okaziaun ida ne’e hodi firme ho nia komitmentu hodi halo monitorizasaun ba violensia eleitoral sira ne’ebé sei mosu iha fulan oin hodi rekolha dadus iha relatoriu ne’ebé iha no inklui mós ba publikasaun belun nian ne’ebé iha revista.
“Hakarak hato’o de’it katak tinan ne’e tinan demokrasia iha sei iha eleisaun ha’u hanoin belun mos iha okaziaun ida ne’e ami firme ho komitmentu kontinua monitorizasaun ba violensia eleitoral sira ne’ebé maka sei akontese oin mai no mós hanoin sei rekolha dadus iha relatoriu ne’ebé maka iha i mós inklui mós publikasaun belun nian iha ninia revista la’ós hare de’it ba kazu irregularidade ka violensia eleitoral ne’ebé mak mosu maibé hare mós ba krime sira ne’ebé ka asidente sira ne’ebé mak mosu” esplika Diretor Ezekutivu ONG Belun
Jornalista : Aniceto Dias
Editor : Agapito de Deus
