Lafaek News—Xefe Estadu Maior Jenerál F-FDTL, Majór Jenerál, Lere Anan Timur, rekomenda atu taka total pontu entradas tolu husi aeroportu, portu no terrestre relasiona ho atake Covid-19 iha nasaun viziñu Indonézia.
“Ami ko’alia ona ba PR katak ami nia preukupasaun maka ne’e tenke implementa ba medidas ne’ebe sai husi governu ba EE nian primeiru, ita tenke taka totalmente ba fronteira ema 1 labele tama no ema 1 labele sai hanesan mos ita nia aeroportu taka total, segundu, instituisaun PNTL ho F-FDTL sei reforsa seguransa iha fronteira nia laran,” Lere hatun lia ne’e iha sorumutu seminal ho Xefe Estadu iha palasiu prezidénsia Bairru-Pite, kuarta (27/01/21).
Lider forsas armadas ne’e sujere mós ba governu atu aplika medida adekuadu ba ema sira ne’ebé pasa fronteira liu dalan illegal, ema ne’ebé atravesa illegal ne’e krime at liu lori moras mai.
“Sosializasaun ba komunidade kuandu illegal ruma tama husu ba família lori ba aprezenta iha saúde, tanba nia mai ona ho moras covid-19 ba nia família no ba ema seluk, hanesan uluk-uluk kaer sira hatama iha karantina estadu selu tan karantina fo tan hahán ba sira ida ne’e labele akontese tan tenke halo kriminalizasaun ba ema sira tanba lori moras mai nia família no ba ema seluk,” Lere Anan Timur hakotu.
Jornalista : Sonia de Almeida
Editora : Nelya Barros
