Lafaek News—Ministru Ensinu Superior Siénsia no Kultura (MESSK), Longuinhos dos Santos, informa serimónia tomada de posse ba reitór foun Uuniversidade Nasionál Timor Lorosa’e (UNTL) sei realiza iha sesta semana ne’e.
“ Ha’u simu ona konvite husi konsellu jerál UNTL nian atu halo tomada de Posse ba novo Reitór Eleitu periodu 2021-2026 nian no hahù sesta loron 29 dadeer oras 9:00,” lia MESSK, Longuinhos dos Santos ba Jornalista sira iha Palasiu Governu, Kuarta 29/01/202, hafoin remata reuniaun konsellu Ministru.
Esperansa husi MESSK nian rasik atu dezafia ba reitór foun periodu 2021-2026, atu halo revizaun ba lejislasaun balun, liu-liu estatutu UNTL no mòs rejime Karreira Dosente nian.
Longuinhos argumenta, estatutu UNTL nian ne’ebè mak halo alterasaun iha tinan sanulu liu ba, iha ona mudansa balun, la kondis ona ho lei estatutu UNTL nian, fakuldade ne’ebè deskreve iha estatutu ne’e mak fakuldade-7, maibè agora fakuldade-9, dadaun funsiona nune’e la kondis ho situasaun ne’e.
“Iha parte seluk mòs rejime kareira dosente nian ne’e importante loos atu dosente sira oinsà halo ajustamentu kona-ba sira nia grau akadémiku nian, no-mòs esperiénsia servisu nian prenxe ona rekezitus, entaun ida ne’e atu halo revizaun ba lejislasaun balun,” nia Salienta.
MESSK, Longuinhos mós dezafia ba reitór foun UNTL, katak Normalmente ANAAA hala’o nia funsaun atu halo avaliasaun ba progrmátiku liu-liu ba UNTL nian maioria rezultadu avaliasaun hetan ho sufisiente, entaun MESSK fiar katak ho reitòr foun ida ne’e bele hadia programa sira ne’ebè bele hetan ona méritu avaliasaun kursu sira muito bom.
Jornalista : João da Costa Soares.
Editora : Nelya Barros
