EDUKASAUN · 27 Jan 2021 11:08 ·

Dezafiu Lubun Ba Edukasaun TL Enfrenta DuranteTinan-10


Dezafiu Lubun Ba Edukasaun TL Enfrenta DuranteTinan-10 Perbesar

Lafaek News—Kordenadór Nasionál Timor-Leste Coalition For Education, (TLCE), Jose Monteiro, afirma ko’alia kona-ba edukasaun Timor-Leste durante tinan-10 hahú husi 2011 governu trasa planu estratéjiku dezenvolvimentu edukasaun to’o 2021 ohin, hasoru problema hanesan infraestrutura fíziku, sistema kurikulum, kulidade dos profesóres jestaun nivel eduksaun munisípal no nasionál, no fasilidade  sai dezafius ne’ebé hamonu kualidade edukasaun rai-laran.

“Problema edukasaun ensinu báziku mak hanesan infraestrutura, korikulum sistema edukasaun, kualidade profesóres, jestaun iha nivel esinu no nivel edukasaun nasionál no fasilidade ekipamentus, materiais sira uza hodi halo prátika,” dehan Kordenadór nasiona TLCE, Jose Monteiro iha nia kna’ar fatin kaikoli, tersa, (26/01/2021)

Bainhira jornalista Lafaek News dada lia ho Kordenadór nasionál TLCE, kordenadór ne’e konta ko’alia kona-ba infraestrutur ita hatene katak, bainhira ita ukun an, infraestrutura sira keimadu hotu. Tama iha 2000 too mai iha 2002 ita halo rehabilitasaun emerjénsia Internasionál sira ba eskola sira ne’ebé eziste iha tempu indonézia laos halo konstrusaun foun. Entaun husi tempu ne’eba to’o mai agora aat fali ona. No ezije atu hadia ka nesesariu para halo kontrusaun foun tanba kontrusaun fiziku hotu-hotu halo ho meus emerjénzia.

“Numeru total eskola ka numeru sala de aula menus. Demanda estudanete komesa sa’e makaas. Iha tempu indonézia total populasaun ne’ebé mak asesu ba edukasaun hamutuk 46% tama iha tempu ukun-an to’o mai agora iha nivel ensinu báziku de’it sae ona ba 95%  hatudu katak ita alkansa ona metas husi Objetivu Dezenvolvimentu Sustentavel (ODS). Tanba ODS ezije pelumenus atinje 90% no ita alkasa ona metas ida ne’e,” esplika nia.

Nia gap (lakuna) maka uluk iha tempu indonézia nian ema 46% de’it mak eskola maibé Agora ema hotu-hotu hakarak eskola, demanda edukasaun ne’e sai entaun supply tenke aumenta para iha balansu. Agora saida mak akontese iha ita nia rai demanda aumenta maibé supply lalao. numeru estudante aumenta maibé sala de aula ita la extende hatudu la iha balansu.

Agora ita koalia kona ba fasilidade sira. Maioria eskola iha Timor ne’e la iha Biblioteka ida ne’ebé kontestu organizadu atu bele fasillita estudante sira asesu ba livru maibé to’o agora ida ne’e la iha. Kuandu biblioteka laiha difukulta bainhira imprime livru ruma atu rai iha ne’ebé. Estudante le’e karik le’e iha ne’ebé no ida ne’e sai asuntu ne’e mak kestional. Fasilidade ida tan mak mapa global, bainhira profesór sira hakarak atu hatudu nasaun ruma iha mapa difisil ba sira tanba la iha mapa globu.

“Por ezemplu profesór sira fó materia desportu atu ba pratika iha kampu difisil tanba kampu la iha. Karik estudante sira hakarak hatene medida kampu estandard internasionál ne’e sira la bele hatene tanba ita la iha kampu,” espresa nia

Hanesan mós ba eskola teknika vokasional difisil liu-liu ba IT sira atu prátika tanba komputadór la iha entaun sira hatene teoria de’it. Ensinu Sekundaria mós hanesan sira ne’ebé foti multi-media komputadór masimu sanolu maibé estudante rehun ida oinsa mak bele iha balansu. Ida tan maka eskola laiha be’e moos no hariis fatin sai dezafiu bo’ot, estudante balun abandona prosesu aprendizajen tanba haris fatin laiha.

“Tanba fasilidade sira la iha entaun estudante sira depende de’it ba instrusaun no koñesementu profesór sira nian, ida ne’ebé hatene barak nia bele fahe barak, ida ne’ebé hatene oituan fahe oituan. Prosesu aprendijaze iha Timor ne’e estudante sira laos fasilita husi profesóres maibé profesór sira mak hanorin, lolos termu ida hanorin ne’e ita la konkorda ona buat ne’ebé ita hakarak ne’e fasilita estudante sira para koñese mundu no koñese siensia. Karik estudante sira iha difikuldade atu komprende siensia entaun profesór sira iha para fasilita,” tenik nia

Laos profesór sira iha para atu ense estudante sira nia kakutak para aban bairua bele sai hanesan profesór, ne’e lae, profesór iha para bele fasilita sira hodi nune’e sira bele esplora matenek ida ne’e mak esensial iha edukasaun iha tempu agora.

Nia hatutan, Koalia kona ba kualidade profesóres uluk tempu bainhira ukun-an hahu husi 2000 profesór sira rekruta nia an rasik hodi hanorin laos Ministériu Eduksaun mak rekruta to’o mai 2002, restaura independensia Ministériu Edukasaun iha obrigasaun moral atu rekoñese de’it profesór sira. Ita iha defecit profesór tanba iha indonezia nia tempu  profesór maioria indonezia nian de’it mak hanorin no bainbira ita ukun an sira fila hotu ba sira nia rain ita hela de’it 20% profesór Timoroan mak hanorin.

“Nia rezultadu afeta kedan ba kualdade dos profesores tanba sira nia backgraund laos profesór, hatene siensia ita hotu bele hatene siensia maibé atu transfere siensia ba ema seluk ne’e servisu seluk ida. estrainu liu mak balun mai ho backgraund kuarta kalse,” kestiona nia

Depois de ida ne’e Ministeru edukasaun aprova lei baze edukasaun, aprova rejime kareira dos profesores atu estandariza entaun kuaze hotu-hotu la priense kriteria. Iha kriteria standard maka, esinu báziku iha tempu indonézia ne’ebé hanaran sekola sembilan tahun ne’e minimu basarlatu mak hanorin, ba ensinu sekundariu tenke lisensiatura mak bele hanorin maibé ita nia profesór sira la priense kriteria hotu.

“Entaun INFORDEPE fó formasaun ba profesóres no fomasaun ne’e aselerau durante semana ida ka semana rua, lahare ba kualidade naran katak sertifikadu bazarlatu nian hodi bele priense kriteria refere hodi engresa ba iha rejime kareira profesóres, entaun kualidade ba profesores sai kestionavel,” kestiona  nia

Ida fali mak sistema kurikulum, iha tinan sanolu nia laran sistema korikulum la klaru no ita foin iha kurikulum definitivu ida ba ensinu báziku no ida ne’e mós primeiru síkulu ho segundu síkulu de’it no terseiru sukulu seidauk, ensinu sekundariu seidauk no agora fahe tan ba rua ensinu sekundariu jerál no ensinu sekundariu tékniku vokasional no nia kurikulum keta-ketak.

“Agora iha prosesu dezenvolvimentu, no ita henesan la’o de’it ho limitsaun ne’ebé ita iha no ita nia Ministériu Edukasaun nia servisu ba prosesu ne’e mak la rápidu, se kurikulum ne’e nesesariu tenke aselera lalais no to’o agora ita lahetene atu ba ne’ebé kirikulum iha tiha ona maibé sira halo draft lalais de’it la’o tuir lei avalia prosesu los hotu maibé demora liu,”

Livru manual ba profesores no ba estudante sira atu utilliza hodi kumpri kurikulum la diponivel, Tanba ne’e kualidade profesór sira kestional, iha 2019 TLCE halo peskiza ida afinal seidauk iha formasaun kona ba kurikulum, entaun sira mós tenke iha formasaun oinsa sira bele hanorin tuir kurikulum.

Dezafiu ikus mak jestaun ensinu sekundariu mai kraik, Diretor sira ne’e laiha kapasidade jestaun ne’ebé di’ak, jere merenda eskolar mós lalos, jere prosesu aprendijazen mós lalos no Ministériu Edukasaun mós kria padraun ekezusaun osan ida ne’ebé ema la komprende, prosesu sira susar atu ezekuta. Patraun sira ne’e aas liu kapasidade diretór sira nian.

“Jestaun edukasaun iha nivel sentral, iha hatene Ministériu edukasaun tinan hira antes 2015 ba kotuk ne’e ezekusaun orsamentu 75% masimu 86% , ida ne’e dezafiu ba sira atu hetan alokasaun orsamentu ne’ebé bo’ot liu tan ba edukasaun,” dehan nia

Iha parte seluk ejizensia ba edukasaun ka demanda ne’e makaas no  ita presija supply makaas maibé ida ne’e presija aprovasaun orsamentu jeral estadu ne’ebé bo’ot. Oinsa ema atu atribui orsamentu ne’ebé bo’ot ba sira kada tinan ne’e depende ba ezekusaun orsamentu no jestaun finanseiru. Por ezemplu iha tinan 2020  Ministériu Saúde aprova 100 milloes i tal no konsege ezekuta 90%, iha tinan 2021, montante aprovasun orsamentu bele mantein ou bele aumenta. Maibé ba Ministériu Edukasaun la bele ezekuta to’o 90% entaun difisil atu bele aumenta ba tina tuir mai. Jestaun finaseiru iha Timor bele atribui osan depende ba kapasidade ezekusaun.

“Falta liña kordensaun entre ministerial, por ezemplu uma populasaun ne’ebe besik eskola  la bele muda ne’e tamba saida tanba Ministériu edukasaun la iha liña kordenasaun ho obras públiku ka ordenamentu teritorial depois resolve. La iha kapasidade advokasia, advoka para sira bele hetan apoiu hosi entidades oi-oin atu bele alkansa sira nia objetivu,” dehan nia

Planu desentralizasaun, iha programa balun Ministériu edukasaun nian ne’ebé atribui ona ba nivel munisípiu. Por ezemplu oinsa atu harii eskola infantil, alfabetizasaun, merenda ekolar no seluk tan agora desentraliza ona, nia problem mak diretór sira iha nivel munisípiu atu responsabiliza nia kna’ar hodi halo relatoriu no relatoriu refere atu dirije ba autoridade munisípiu ka nasionál tanba programa ne’e Ministériu nian maibé atu hetan aprovasaun no asina ne’e autoridade munisípiu tanba ida ne’e laiha orientasaun klaru.

Planu estratéjiku dezenvolvimentu edukasaun hahu iha 2011, agora 2021 ita laiha numeru estudante ensinu báziku ne’ebé asesu di’ak  to’o 95% ,metas ita la atinje. Problema ne’e tanba kestaun orsamentu ne’ebé liga mós ba iha kapasidade jestaun tanba ne’e ita presija iha reforma de jestaun, reforma institusional, reforma sistema edukasaun labele troka de’it ema  maibé sistema nafatin uza  tuan.

Haree ba kualidade ne’e la sukat de’it husi output katak estudante graduadu ne’e agora servisu iha ne’e, se karik sira servisu ita dehan kualidade se dezempregu ita dehan edukasaun la iha kualidade. Maibé atu hare ba kualidade eduksaun ita hare ba aspetu tolu, input, process no output. Input ne’e, osan hira mak gasta, eskola hira mak ita loke, profesór hira mak ita rekruta no selu karun ka baratu tanba sei afeta ba kualidade.

Ba nia prosesu, hare ba jestaun la’o di’ak ka lae, prosesu aprendizajen ne’e ita jere halo nusa. Ikus liu mak output, se ita eskola mak laiha kadeira meza, ne’e ita hatene ona nia rezultadu ne’e oinsa tanba ne’e lalika deskute nia resultadu. Tanba atu grante kualidade area sira ne’e hotu presija lao hamutuk.

“Ita tenke aumenta nia input, investe iha makaas iha edukasaun tanba iha planu estratéjiku dezenvolvimentu nasionál mós hatete katak setór edukasaun ne’e prioridade. Ita presija 15% ka 20% husi orsamentu jeral estadu atu bele investa iha edukasaun maibé to’o agora nunka mais liu 10%. Sira ne’e hotu atu aumeta forsa ba supply,” sujere   nia

Presija reforma jestaun maibé atu reforma jestaun presija dadus no dadus emis ba estudante no profesór sira, dadus rekursus umanu nian la atualiza. To’o agora Ministériu edukasaun uza de’it dadus husi Funsaun públiku nia database. Iha ministeru edukasaun la halo rejistraun ba nia estudante no profesór ketak no depende de’it ba Ministériu seluk.

“Koalia kona ba kualidade estudante, ita labele dehan Ministériu Edukasaun failla tanba se ha’u sukat ho standard nasionál ha’u bele dehan kualidade tanba iha hare husi valór ezame nasionál no númeru pursentu pasa iha nivel sekundáriu kada tinan, maibé se karik ita uza standard internasionál ne’e ho naran Student grade rate assessment (SGRA) ne’e mak ita seidauk bele dehan kualidade,” hakotu nia

 

Reportajen : Felisberto F. Da Costa

Editora        : Nelya Barros

 

 

 

1,550 Views
Artikel ini telah dibaca 313 kali

badge-check

Editor

Baca Lainnya

Estudante Bolseirus Lamenta Ho Polítika IX Governu Muda Bolsa Hakbit Ba Parsial

6 July 2024 - 09:08

ME Resposta Karta Husi Konsellu Nasional Professores  Kontratadu   

1 July 2024 - 10:49

Estudante Rihun 3 Lansa Protesta Hasoru Governu Muda Bolsa Hakbiit Ba Parsial     

26 June 2024 - 14:24

CI Ho Abc Internationl Development Fasilita Formasaun STORY-Telling Ba Jornalista

26 June 2024 - 09:59

HA’U NIA HISTÓRIA MORIS MORUK NIAN HUSI TEMPU BA TEMPU

3 June 2024 - 16:09

ME Prepara  Simu Liurai Husi Brunei Darusalam  Vizita TL 20 Maiu

17 May 2024 - 00:11

Trending di EDUKASAUN