Lafaek News—VIII governu konstituisional liu husi reuniaun Konsellu Ninistru lideradu Primeiru Ministru (PM) Taur Matan Ruak, hato’o kondolénsia ba matebian deputadu Sabino Soares alias Guntur, ne’ebé fila hikas ona mundu seluk.
“Governu hato’o kondolénsia ba falesiementu distintus deputadu Sabino Soares Guntur, ita nia membru orgaun soberania, ita nia rai no nasaun nian hanesan lakon bo’ot ida, tanba ne’e maka governu hato’o nia laran triste no neon kraik ba lakon ida ne’e,” dehan Ministru Presídensia Konsellu Ministru (MPKM) Fidelis Manuel Leite Magalhães, husi komprinsa imprensa hafoin partisipa iha reuniaun konsellu ministru iha palasio governu, kuarta, (27/01/2021).
Governu mós hato’o mensajen soliedariedade prinsipalmente ba familia enlutada husi distintu deputadu nian no ba Parlamentu Nasionál hanesan orgaun soberania ne’ebé maka lakon nia membru ida, ne’e maka mensajen prinsipal no governu hakarak fó sai ba falesiementu distintu deputadu Guntur nian.
Jornalista : Pedro de Almeida
Editora : Nelya Barros
