Lafaek News—Reuniaun konsellu ministru ne’ebé lideradu husi primeiru ministru (PM) Taur Matan Ruak, apresia aprezentasaun husi Ministru Finansas (MF) no Ministru Koordenadór Assuntus Ekonómikus (MKAE) kona-ba progressu programa sesta Bázika iha territóriu laran.
Iha reuniaun Konsellu Ministru governu rona aprezentasaun kona-ba progresu implementasaun programa sesta Bázika, iha ne’ebé aprezenta husi Ministru Finansas (MF), Rui Augusto Gomes no Ministru Koordenadór Assuntus Ekonómikus (MKAE), Joaquim Amaral, iha palasiu governu, kuarta, (27/01/2021).
“Ohin iha aprezentasaun ida kona-ba lala’ok implementsaun ba sesta bázika nian no programa rekuperasaun ekonómika, haree implementsaun ne’e la’o oinsá no iha ajustamentu iha ne’ebé, Konsellu Ministru apresia aprezentasaun husi MF ho MKAE,” dehan Ministru Presidensia Konsellu Ministru (MPKM) Fidelis Manuel Leite Magalhães, husi konferénsia imprensa hafoin partisipa iha reuniaun konsellu ministru, kuarta semana ne’e.
Governante ne’e informa, pontus prinsipal iha reuniaun konsellu Ministru ohin nian maka haree fila-fali ezekusaun sira kuandu presiza halo ajustamentu ruma ba programa sesta Bázika no rekuperasaun ekonómika.
“Ezekusaun la’o hotu ona, agora iha faze ida 2020 nian, entaun ministru finansas tenke haree fila-fali ezekusaun sira tinan tomak nian no karik sei presiza ajustamnentu ruma, ita sei halo ajustamentu ida ne’e maka pontu prinsipal,” nia hakotu.
Jornalista : Pedro de Almeida
Editora : Nelya Barros
