Lafaek News—Prezidente Tribunal(PTR), Deolindo dos Santos, hateten, verifikasaun husi tribunal ba partidu foun haat husi partidu, FITUN, OS VERDES de Timor, PDS no PATIFOR,seidauk prenxe rekizitu balun hodi sai hanesan organizasaun polítika.

“Hanesan ha’u anúnsia ona iha semana kotuk liu ba  partidu hamutuk haat haat ne’ebé hatama pedidu inskrisaun  ba tribunal rekursu hodi sai hanesan partidu hanesan FITUN,PATIFOR,PDS no Partidu OS VERDES, no partidu rua sai uluk ona tanba la prienxe rekizitu hanesan FITUN, ho OS VERDES, no foin da-daun tribunal rekursu verifika tan PATIFOR ho PDS, no partdu haat ne’e seidauk prenxe rekizitu hodi sai hanesan partidu, más ne’e desizaun, maibé karik  sira kontinua atu hatama fila fali tuir tribunal identifika ona  depois sira hadi’a lori fali ba minsiteriu públiku, depois ba Ministeriu justisa, no sei ba fali tribunal,”PTR, Deolindo dos Santos, hafoin hasoru malu ho Komisaun C ne’ebé trata Finansas Publika, iha PN,27/01/2021.

PTR ne’e esplika, rekizitu sira ne’ebé mak partidu haat hanesan tuir lei  partidu  iha kada Munisípiu tenke iha apoiante rihun ida no kuaze iha partidu haat ne’e iha balun seidauk iha apoiante too rihun ida

“Rekizitus barak loos maibé ha’u atu hatete ba ita boot sira, tuir lei ne’ebé iha katak kada Munisípiu tenke iha apoiante rihun ida, maibé entre partidu haat nia rekizitu mak iha partidu balun ne’ebé sei menus iha husi rihun ida ezemplu seluk mak hanesan dokumentu balun tenke hetan auto notifikasaun husi Notariadu depois mak lori mai tribunal,”esplika PTR.

Jornalista : Egidio Nono

Editora      : Nelya Barros