Lafaek News—Governu liu husi Ministériu Saúde (MS), segunda (10/05/2021), ofisialmente lansa vasina astrazeneca 20 mil dozes ne’ebe Timor Leste hetan apoiu husi povo Australianu.
Ministra saúde, Odete Maria Freitas Belo, subliña vasina 20 mil dozes ne’ebe Timor Leste, hetan apoiu husi povu Australianu ne’e dahuluk fo prioridade ba komunidade sira ne’ebé infrenta hela moras kroníku.
“Ohin ita iha 20 mil dozes ha’u espera katak iha Dili ho situasaun komunitaria ne’ebe ita la hatene semak moras no semak la’e tanba ne’e mak ami deside katak ho númeru kuantidade ne’ebe mak ita iha ne’e se bele karik ita salva uluk ka proteje uluk ita nia maluk sira ne’ebe mak ho tinan 60 ba leten no mos ba sira ne’ebe moras ho kroniku,” esplika MS iha serimonia abertura vasina astrazeneca iha sentru saúde komoro segunda (10/5/2021).
Ministra Odete mos esplika, vasina astrazeneca ba komunidade ne’ebe imfrenta hela moras króniku sira hanesan diabetes Tuberkuloze (TBC) HIV/SIDA no seluk tan, tanba sira mak risku tebes ba covid-19 nune’e mak parte saúde fo prioridade ba asuntu ne’e.
Entretantu, Iha aberutura ba vasina ne’e embaixada Austrália iha Timor Leste, embaixadór Petter Robert’s, simu uluk vasina astrazeneca husi Auatralia ne’e rasik, tuir embaixadór Nova Zelandia Philit hewitt, Aurelio Guterres, autoridade lokal balun husi postu administrativu Dom Aleixo inklui komunidade sira ne’ebe idade 60 ba leten.
Jornalista : Sandi Belo
Editór : Agapito de Deus
