Lafaek News-Relasiona ho konfinamentu domiliasiáriu ne’ebé governu deside hodi prevene surtu Covid-19, ho nune’e Munisípiu Lautém liuhusi Ekipa taskforce Lautém hasai medida sirkulár bandu sidadaun movimentu tama husi munisípiu seluk atividade iha Munisípiu Lautém exeptu servisu esensiál ka emerjénsia
Tuir Administradór Munisípiu Lautém, Domingos savio, Hateten, karta sirkulár ne’e nia konteúdu mak munisípiu Lautém tama iha serka sanitária tanba ne’e sirkulár ho regulamentu ne’ebé deside konjunta hodi bandu atividade balun iha Munisípiu Lautém nian hanesan sidadaun sira tama no sai iha Munisípiu ne’e inkluí atividade jogu no fo biban de’it ba serbisu esensiál sira.
“Surtu Covid-19 da’et ona ba komunidade nia leet tanba sidadaun na’in rua ne’ebé mak hetan pozitivu ne’e iha nia uma no iha ona kontaktu direta ho família sira, nemak ita halo ida-ne’e para ita nia movimentu ne’e hapara oitoan fo tempu ba ita nia pesoál saúde no seguransa atu halo servisu hodi test swab ba familia sira ne’ebé mak iha kontaktu direta ho ábitante nain rua ne’ebé tama mai iha dia 1 iha Raumoko suku Daudere postu administrativu Lautém, karik to dia 16 teste swab hatudu negativu iha Raumoko maka atividade hotu sei loke fali karik pozitivu sei teste hodi hare fali ba planu munisípiu nian ba prevensaun mitigasaun iha munisípiu Lautém,”Dehan administradór Munisípiu Lautém Domingos savio iha administrasaun Munisípiu segunda -feira 11/05/2021.
Enkuantu Iha karta sirkulár ne’ebé fó sai ona husi administradór Munisípiu Lautém iha pontu tolu ne’ebé mak sita hanesan kompenamentu domisiláriu iha Raumoko Daudere, taka jogu sira, identifika kareta Baucau sira ne’ebé fa’an sasán tama no sai mai iha Lautém, suspende atividade eskola no suspende misa iha Munisípiu Lautém to dia 16 fulan Maio ne’e,
Entertantu iha karta sirkulár tara bandu ne’e asina direta husi administradór Munisípiu Lautém no diretur servisu saúde Munisípiu Lautém hodi hahú sirkulár ne’e hahu vigór iha dia 05- 16 fulan Maio ne’e.
Jornalista : Ce.Lautem
Asisten Editor: Egidio Nono
