Lafaek News-Ábitante hamutuk neen nolu resin ida(61) re-integra ona husi sala izolamentu Lautém tanba ábitante hirak ne’e rekupera ona husi surtu Covid-19, no sira iha kuarentena kumpre ona loron 14
Diretur servisu saúde Munisípiu Lautém, Bernardo Amaral Lopes, Hateten, kuarentena no izolamentu ita reintegra ábitante sira hanesan parte ida prevensaun iha Munisípiu Lautém nian atu nune’e ábitante sira mai husi fatin risku sira sem iha teste swab persija kuarentena hodi hakotu korente Covid-19.
“Ita reintegra ona kuarentena hamutuk 54 kompostu husi mane 29 no feto 25 no totál iha izolamentu ne’ebé rekopera ona husi Covid-19 hamutuk na’in 7 iha mane na’in 2 no feto 5 mak ohin ita entrega ona ba familia sira iha Munisípiu Lautém,”dehan Diretur saúde segunda- feira, 05/5/2021.
Iha fatin hanesan ábitante ne’ebé kumpre ona kuarentena durante 14 Abito da conceição, Hateten, nia agradese ba autoridade seguransa no autoridade saúde bele halo prevensaun di’ak iha Munisípiu ne’e.
“Agradese ba autoridade Munisípiu bele halo prevensaun ho di’ak hodi la hada’et ba inan aman sira, sai mós ezemplu ida ba munisípiu sira seluk tanba ita laiha transmisaun lokál, ami kongratula ba administradór Munisípiu ho ekipa tomak servisu makas no atende sidadaun sira mai husi Dili ho di’ak,” dehan ábitante ne’e
Jornalista :CE.Lautem
Asisten Editór : Egidio Nono
