ADVERTORIÁL · 25 Apr 2022 13:21 ·

Governu Japaun Oferese Roo Ida ba MS-TL


Governu Japaun Oferese Roo Ida ba MS-TL Perbesar

Lafaek News–Governu Japaun liu hosi Organizasaun Noun-Governamental (ONG) SHARE oferese Roo ida ba Ministériu Saúde ho objetivu atu hadi’ak asesu servisu kuidadu saúde iha munisípiu Atauro.

Reprezentante Nasional husi ONG Japones SHARE, Shutaro SUNAI, asina ona akordu ida ho Ministra Saúde, Odete Maria Freitas Belo, hodi entrega roo ida ne’ebe sei ajuda klínika movel no atividades servisu kuidadu saúde sira seluk iha Munisípiu Atauro.

Governu Japaun fornese asisténsia finanseiru besik millaun 1.5 dollar Amerikanu ba ONG SHARE hodi hala’o projetu ho durasaun tinan tolu.  Pojetu ba haforsa oferese servisu Kuidadu Saúde primaria liuhosi partisipasaun komunidade lansa ona iha 2019 foka Liu ba area remota sira iha Metinaru no Atauro,” dehan dehan Masami KINEFUCHI, iha fatin entrega roo Lesidere, UPM, segunda (25/04/2022)

Dezafiu ida iha Munisípiu Atauro mak parte balun husi Munisipiu refere sé bele asessu deit husi tasi ibun. Ho nune’e, nu’udar parte ida husi projetu ne’e, roo ida ho valor US$52,663.84 entrega ona ohin loron hodi hadi’ak situasaun husi ema rihun 12 iha Munisipiu Atauro, no governu Japaun ho ONG SHARE introduz roo iha Atauro no komesa apoiu prestasaun servisu saúde uza roo iha tinan 2020, dezde ida ne’e, transportasaun vasina sira ba sentru saúde hotu sai fasíl liután no taxa vasinasaun infantíl ne’ebé konten BCG, 5-vasinasaun kombinada, no vasinasaun kontra sarampu iha Atauro aumenta husi 46% ba 77%, aleinde ne’e, povu sira ne’ebé hela iha area tasi ibun Atauro, antes ne’e laiha asessu ba klínika movel.

Projetune’e oferese mos apoiu ba Ministériu Saúde ba utilizasaun sustentável no efikaz husi roo refere, treinamentu kona-ba manutensaun diária ba roo hala’o ona husi peritus Japanes no Timor-oan sira no manual manutensaun ida ne’ebé kria ona husi ekipa projetu sei entrega durante periodu projetu. 

Embaixadór KINEFUCHI rekonese esforsu hirak ne’ebé halo ona husi parte envolvimentu iha projetu ne’e no assegura katak roo ne’e sei kontribui ba hamenus difikuldade sira relasiona ho kuidadu saúde iha Atauro.

Ha’u espera ho laran tomak katak roo ne’e sei uza ho kuidadu no manutensaun di’ak ba tempu naruk tuir matadalan sira, lori benefisiu ba komunidade sira iha Atauro liu-liu labarik ne’ebe mak sira nia vasinasaun báziku importante tebes ba moris saudavél,” dehan Embasadór KINEFUCHI.

Embaixador mos hato’o parabéns ba aniversariu restaurasaun independensia Timor-Leste nian ba dala 20, no estabelesimentu relasaun diplomátiku entre Japaun no Timor-Leste.

 Nu’udar Embaixador Japaun nian, ha’u reitera hikas ami nia kompromisu hodi haburas liu tan ita nia relasaun amigavel ida ne’e no ba ami nia apoiu kontinua ba harii nasaun Timor-Leste nian no moris di’ak povu rai ida ne’e nian.” hakotu nia

Iha fatin hanesan, Ministra Saúde (MS) Odete Maria Freitas Belo, hatete ekipa ministériu saúde iha responsabilidade ba transporte no ekipamentu sira ne’ebé mak ohin sei halo termu entrega iha fatin Ida ne’e. Atauro ne’ebé foin sai minisípiu, labele hosik mesak de’it,  tenke apoiu la’ós de’it hosi transporte ne’e maibé ba servisu tomak ministeriu saúde nian.

Husu ba Autoridade munisípiu no nasionál atu hatudu responsabilidade ba doadore sira liuliu embasada Jepaun nian liuhosi NGO SHERE, Buka razaun tanba Saida mak sira bele fó roo ahi ne’e, tanba ho objetivu Ida hakarak atu taumatan ba Inan isin rua sira atu iha saúde di’ak.

Relatoriu 2022 hatudu katak, labarik sira barak vasina menus, inan sira la ba konsulta kompletu, labarik no inan sira mate barak iha Atauro, tanba nee iha responsabilidade atu servisu hamutuk ba NGO SHARE Ida ne’e hodi bele ajuda labarik sira hetan vasian kompletu, Inan isin rua sira bele hetan konsulta kompletu hodi hamenus mortalidade ne’e Minisípiu Atauro hasoru,” dehan Odete.

iha biban ne’e, Ministra Saúde alerta ba autoridade lokál sira, ba komunidade tomak munisípiu Atauro nian atu labele Hein to’o moras todan mak foin informa, maibé aproveita roo Ida ne’e hodi informa no Lori lalais komunidade sira ne’ebé karik moras hodi nune’e bele hetan atendimentu lalais hodi asesu ba sentru saúde sira.

Jornalista : Felisberto Fernandes

Editor         : Agapito de Deus

267 Views
Artikel ini telah dibaca 33 kali

badge-check

Editor

Baca Lainnya

 PERMATIL Halo Espansaun Konserva Rekursu Bee Ho Mákina Eskavatór Iha RAEOA

10 February 2024 - 13:35

Professores Kontradus Kontinua Ezije Governu Buka Solusaun    

18 January 2024 - 17:26

Programa PERMATIL Dada ADB Ho Embaixador Nova-Zelandia Vizita Fatin Restaurasaun Bee Fatsuka

10 January 2024 - 18:17

Horta Ho Xanana Avalia Situasaun Seguransa Rai-Laran Hakmatek “Parabens Povu TL”

5 January 2024 - 09:46

PR sei buka doadór internasionál fó apoiu ba PERMATIL

30 November 2023 - 16:20

Publisidade Loron Nasional Liberdade Imprensa

15 October 2023 - 18:20

Trending di ADVERTORIÁL